Helgin á næsta leyti, Gróa á Leiti, Háaleiti, ég held ég leiti að manni... hver man ekki eftir þessu í stafsetningarprófum í den?
Úff Sex and the City er heví spennandi núna, næstsíðasti þátturinn í gærkvöldi, rosa spennó! Get ekki beðið eftir næsta fimmtudagskvöldi, þá verður tvöfaldur lokaþáttur! En svo fer ég að gráta... á eftir að sakna þeirra Carrie, Miröndu, Charlotte og Samönthu...
Ég vildi að ég væri ein af þeim, í New York, í flottum fötum, alltaf að deita...
Talandi um deit, þá er ein af einhleypu vinkonum mínum að fara á blind date í kvöld!! Og ég dauðöfunda hana (þótt hún sé að deyja úr stressi núna), einhver foli sem hún kynntist á netinu, myndarlegur og góður og hann ætlar að bjóða henni útað borða og í bíó!!!
Ohhhh mig langar líka... vitiði ekki um einhverja fyrir mig?

Mér finnst rigningin góð, na na na na oooó ó! Ég held að Helgi Björns hafi verið eitthvað gaga þegar hann söng þetta... ekki finnst mér hún góð og ekki segja við mig "þetta er gott fyrir gróðurinn" - ömurlegur frasi!
Annars er ég voða sæt í dag að mínu mati (alltaf gott að vera með egó), er öll í stíl, í gallabuxum með rauðum rassvasasaumum, rauðri peysu og með rauða teygju í hárinu, eina sem vantar er rauður varalitur og rautt naglalakk....... en ég á ekki svoleiðis, því miður!
En talandi um þessar gallabuxur sem ég er í, ég keypti þær í fyrrasumar í Vero Moda á 5.990 kall, svo sá ég mér til ómældrar óánægju að það voru komnar svona eftirlíkingabuxur í Hagkaup.. týpískt.. þá held ég að allir haldi að ég hafi keypt þær í hagkaup... sem mér finnst samt engin skömm, bara pirr af því að ég keypti þær ekkert þar! Öllu get ég nöldrað yfir!
En svo líka eitt, ég keypti mér Sítrónu Topp í morgun og það er búið að gera flöskurnar gular en svo setti ég venjulegt vatn í hana og þá er hún aðeins ljósgulari, þannig að það er greinilega gult litarefni í sódavatninu líka! Pælið í því! Og líka eitt (vá hvað ég get skrifað mikið núna) þá finnst mér þessar nýju topp auglýsingar eitthvað dúbíos...."Toppur, þú hreyfir þig og lærin hætta að snertast" Hvað er verið að meina???
Og líka ég var að skoða aftan á Special K pakka áðan í kaffinu, og þar er verið að tala um að ef maður fær sér 2 skálar á dag af því, í morgunmat og hádegis- eða kvöldmat (og ekkert annað), þá geti maður farið niður um eitt gallabuxnanúmer á einungis 2 vikum! Er þetta nú gott í öllu þessu átröskunarveseni sem er nú til dags?

Nú er sumar, gleðjist gumar, gaman er í daaaaaaaag!
Ég er í bullskapi dauðans! Sem er bara gaman!
Hey cool, MTV awards á Íslandi 2006, það er bara cool! Þá kannski sér maður einhverja alvöru fola á Íslandi loksins, eins og Justin og og og og man ekki eftir neinum öðrum karlsöngvurum, hmm kannski Michael Jackson... ef hann verður ekki í djeilinu!
Annars finnst mér nú aaaalltof mikið af tónleikum í sumar, hvernig á maður að hafa efni á að fara á þetta allt saman? Mig langar á Metallicu og Pink t.d. en sé nú ekki fram á að hafa efni á því.. 7500 á M. !! Kannski maður fari bara á sopafyllerí fyrir utan Höllina, eins og maður gerði hérna í den! Það var nú alveg gaman.... ÞÁ allavega!

Fór í göngutúr í hverfinu í gærkv. og sá mér til mikillar gleði að það er verið að byggja Ríkissal Votta Jehóva í Hraunbænum, rétt heima hjá mér!

En mikið var óskaplega erfitt að vakna í morgun, samt fór ég snemma að sofa! Ætlaði ekki að geta opnað augun, fór fram úr kl. 7.21 og var komin út 5 mínútum seinna, þið getið ímyndað ykkur hvað ég er mikil pæja í vinnunni í dag, náði rosalega að hafa mig til! Svo geispaði ég alla leiðina í vinnuna og er geðveikt hvít og mygluð. Svo þegar ég kem í vinnuna fæ ég 1. gráðu yfirheyrslu; "hvernig ertu í hausnum?" ég sagði; "bara fín, er bara ógeðslega þreytt" þá var spurt; "ertu eitthvað slöpp?" þá sagði ég; "nei bara ótrúlega þreytt" og þá spurði hún; "er þetta bit fyrir aftan eyrað á þér?" og ég; "nei þetta er bara klægjubóla!!!" Og eftir þetta er ég búin að vera með paranoijur um að ég sé með bit og mér er farið að klæja allsstaðar... ohh það má ekki segja svona við mann!!

Jæja best að hætta þessu kúk og piss tali, gæti misst vinsældir.. annars finnst mér 13 vote nú ekki sýna vott um vinsældir, ætli það séu bara 13 manns sem skoða þessa síðu? eða er fullt af fólki sem skoðar en þorir aldrei að skrifa komment eða svara í spurningunni?
Annars er þetta einhvernveginn ekki dagurinn minn, mér er búið að vera illt í hausnum, hálf down (Hálfdán) og svo núna smá flökurt og vildi óska þess að það væri sófi hérna í vinnunni sem ég gæti lagst í, bara í svona korter!

Nú verða allir reykingamenn sem skoða þessa síðu kannski brjál en mér er sama.... það er eitt sem að mér finnst óþolandi og það er þegar ég er að bíða eftir strætó í rigningu og það þarf einhver að reykja inní skýlinu og svo angar maður af reyk og er að kafna. Ekki vil ég standa fyrir utan og verða rennandi blaut, en ég geri það frekar. Og ég hata reyndar líka þegar maður situr í strætó og einhver sem var að reykja sest við hliðina á manni eða nálægt.. ógó svona útireykingalykt. Úff varð bara að losa mig við þennan pirring og núna er hann farinn!

En mér finnst fyndið skv. niðurstöðum spurningarinnar um hægðir fólks á almenningsstöðum að það séu virkilega 7 af 13 sem kúka bara í neyð utan heimilisins... hvaða spéhræðsla er í gangi? Þetta er eitthvað sem allir þurfa að gera og kemur mismunandi góð/vond lykt af ef það er vandamálið.. Ég vildi endilega fá að vita hver ástæðan er fyrir að fólk geti ekki hugsað sér að kúka í Kringlunni?

Ég er að deyja mig langar svona í myndavélagemsa!!!! Á ég að fá mér svona tilboð:

Ég var nefnilega að fá bréf um að ég væri búin að borga upp símann sem ég á.. hann er algjört krap, Nokia 3510i ... eða kannski ekki algjört krap, en hann er ekki með myndavél! Má ég þá ekki fá mér nýjan?

Gleðilegt sumar fólkenz!!!
Ég vaknaði við lúðrasveitarhljóma og skrúðgöngumars í gærmorgun og þvílíka sólargeisla um alla íbúð, ekki amaleg byrjun á sumri það! Ég vona að þetta sé tákn um að þetta sumar verið frábært! Síðasta sumar var nú alveg mjög skemmtilegt og núna vil ég aftur skemmtilegt og vonast eftir smá "summerloving happen so fast, i met a boy..." yeah fokkin ræt! Best að vera ekki að gera sér neinar vonir um svoleiðis, þá gerist ekkert!
En pæliði samt í hvað allir single gæjarnir eru að missa af; MÉR!
(smá egóflipp í byrjun sumars!) :)

Þetta er ég í frakka með herðapúðum dauðans og það sést ekki en ég er púffuðum innvíðum leðurbuxum líka, þessi mynd var tekin í hláturskasti í verslun Rauða krossins í gær. Og hin til hægri er ég á Vegamótum. Myndir teknar af Göggulill vinkonu minni, sem guggnaði á að kaupa sér frakkann fyrir 80's þema sem er í vinnunni hennar í dag!

Ég er búin að finna draumaprinsinn! Skoða folann hér!

Ætli ég verði svona týpísk "kona" eftir 25 ár? Klippi hárið stutt og fæ mér permanent, verð í innvíðum gallabuxum með litlum háum rassvösum og í vatteruðu brúnu tíglavesti og í mokkasínum? Með tvískipt gleraugu og í Burberry kápu? Keyri um á splúnkunýjum Landrover sem ég ræð ekkert við? Dánarfregnir og jarðafarir verða uppáhaldsþátturinn í útvarpinu og les allar minningargreinar og reyni að finna út hvaða fólk þetta var og hvort ég finni einhver tengsl? Kvíði fyrir að fara til útlanda, en fer samt? Tala sífellt á innsoginu? Slúðra í saumaklúbbum? Elda voðalega góðan mat?
Nei ég held ég verði bara sama Annan og ég er í dag, bara eldri og krumpaðri í framan!!!

Í dag er dagur þar sem öll fötin mín er skítug.. og ég þurfti að fara í peysu sem mig langar ekkert að vera í dag.. það er bara svona þegar maður trassar þvottinn sko.
Annars er ég að deyja mig langar svo í ný föt, ég fór til Amsterdam í október (í heimsókn til Önnu B.) og keypti þá föt fyrir marga marga peninga (hvísl: 80.þús) og er búin að vera mjög dugleg við að kaupa mér ekki föt síðan og þetta eru nú alveg 6 mánuðir.. og núna er ég komin í stuð til að kaupa mér ný! Mig langar í gallakvartbuxur með uppábroti, svartar buxur, nokkrar peysur, boli, svona lága skó með rúnaðri tá og margt fleira..... en ég á ekki peninga.. ég er að reyna að safna uppí bíl.. en það gengur ekkert rosalega vel.. Þannig ef að þið eigið peninga sem þið þurfið ekki að nota (in my wildest dreams) þá megiði alveg gefa mér smá :)

Ég og Svala Birna eigum 14 ára fermingarafmæli í dag!
Þá þótti mér ég vera orðin svo fullorðin!! Miklu fullorðnari en mér finnst ég vera í dag.. furðuverk!

úff sko.. Lilja mágkona er með áhyggjur af mér útaf fuglafóbíunni, hún segist hafa lesið fullt í sálfræði og þetta sé alls ekki eðlilegt. Að hræðast hrafna eins og heitan eldinn.. ég var einmitt að labba niður sundabrekkuna í vinnuna áðan og það flaug krummi yfir mig og lækkaði aðeins flugið fyrir ofan mig og ég beygði mig niður og fékk hraðan hjartslátt og hélt hann ætlaði að fljúga á mig, en hann flaug bara áfram. Enda eins og Lilja segir þá hefur maður aldrei heyrt í fréttunum að hrafnar hafi ráðist á fólk.....
En allavega þá keypti ég mér B12 vítamín í gær, því að það er víst í lágmarki hjá mér, skv. blóðprufu sem ég fór í um daginn og skortur á því getur valdið kvíða og ótta.. sem sagt taugakerfið.. vona að það hjálpi mér!

Hey Lilja mágkona er að lifna við á blogginu sínu!

Ég er mjög á móti ofbeldi, ég bara hreinlega skil ekki hvernig fólk getur meitt annað fólk. Var að lesa í Fréttablaðinu í gær og það voru 2 eða 3 tilfelli um sl. helgi, þar sem menn var lamdir og sparkað í hausinn á þeim. Hvað er að þessu liði? Aldrei gæti ég sparkað í hausinn á einhverjum, ég gæti ekki einu sinni stungið títuprjón í annan mann.. ég get ekki einu sinni kreist bólur á öðrum...
Ég fór allavega á The Passion of Christ um daginn og satt að segja þá var mér frekar flökurt þegar barsmíðarnar stóðu yfir, annan eins viðbjóð hef ég ekki séð. En svo er maður að heyra að svona er þetta enn þann dag í dag, verið að pína fólk, td. í Írak og Palestínu.. algjört ógeð!

Var líka að pæla hvað ég er orðin hrædd við hluti sem ég hræddist ekki sem barn, td. að hjóla.. ég þori ekki að hjóla niður svona litlar gangstéttabrekkur sem eru með svona tröppur í miðjunni.. ég er svo hrædd um að detta..

Er ég orðin veimiltíta dauðans?

Voðalega er alltaf auðvelt hjá pakkinu sem kemur í Innlit Útlit (já ég er nörd, horfi á það) að breyta öllu hjá sér, "sko ég bara lét skera út þessa plexíplötur og fór svo í Frank og Jóa og fékk þetta sandblásna munstur og lími inná og svo eru þessar lamir úr Húsó og svo eru þetta bara einfaldir skápar úr IKEA og blalbablabla" Mér finnst þetta ógeðslega mikið mál... og mig langar að breyta fullt heima en ég bara geeeet það ekki sjálf!! Og ekki fæ ég svona toppþjónustu í Byko nema að maður sé að fara í Innlit Útlit og ekki fer maður í þann þátt nema að maður sé heimsfrægur á Íslandi.. kæri mig nú heldur ekkert um það að allir viti hvernig er heima hjá mér.. og svo er líka ógó dýrt að fá iðnaðarmenn í allt.. mig langar td. að breyta baðherberginu, þyrfti að múrara, flísara og pípara og kaupa allt.. úff yrði örugglega milljón kall!

Ég var næstum búin að gleyma að nöldra um það sem fer mest í taugarnar á mér við Innlit Útlit.. og það er sko ekki Vala Matt sem slík, heldur Gulla í fokking Má Mí Mó og Katrí einhver finnskur stílist og Steinunn Ólína og Stefán Karl, þetta fólk er búið að vera í öllum þáttunum í allan vetur!! úfff búin að losa mig við þetta.. Er einhver sammála mér.. eða horfið þið kannski ekki á þetta??

Núðlusúpur er matur frá helvíti! Fékk mér í hádegi Mr. Lee núðlur með kjøttsmak og verð sennilega með klígju fram að næstu jólum!

Jæja páskahelgin var svona helvíti fín bara, fór í bústað í Svignaskarð í Borgarfirði með m&p og Auði Aþenu frænku minni (sem er by the way sætust og skemmtilegust), svo komu gestir og voru hjá okkur í 2 nætur, hún Svala Birna vinkona mín í smá kaffi og vöfflulufsu, svo á laugardaginn fór ég í heimsókn til Sigrúnar og Maju sem voru í bústað með fjölskyldum sínum í Stóru-Skógum og fékk þar dýrindis grillmat og horfðum á Stellu í framboði (sem er sko skítur á priki miðað við Stellu í orlofi) og svo gisti ég þar! Svo fórum við heim á sunnudagskvöldið, þá gáfust m&p uppá að hanga í bústaðnum. Það var líka fínt að vera í bænum í gær og liggja bara í leti og glápa á dvd!

Núna er alltaf auglýsing frá Airwick og er hún svona "áður fyrr varði ég sem minnstum tíma inná baðherbergi, en eftir að ég kynntist nýja Airwick ilmgjafanum er ég alltaf þar inni" er engum sem finnst þetta fáranlegt? Alltaf hangandi inná klósti útaf einhverri yfirþyrmandi blómafýlu!! Ég á ekki til orð!

Fuglafóbía!
Sko ég veit þetta er kjánalegt, en ég er búin að þróa með mér geðveikri fuglafóbíu síðastliðin ár.. Ég er mjög hrædd við krumma.. finnst þeir ógeð, stórir með svartan ógeðslegan gogg og klær.. fæ alltaf hraðan hjartslátt og tékka hvort ég sé með eitthvað gljáandi á mér ef þeir eru nálægt mér.. það er oft svona kvikindi í götunni minni nebblega. Svo er mávar líka viðbjóður.. risastórir með hvíta bumbu og stóran gogg.. það voru 3 svoleiðis á sveimi fyrir framan mig í gær og 2 kríur eða einhver fjandinn að ráðast á þá.. ég var nú bara hrædd um að lenda í slagnum með þeim. Er líka hrædd um að þessir fuglar driti á mig. Þetta byrjaði allt þegar ég sá Birds held ég, og einu sinni þurfti ég alltaf að labba eina leið í vinnuna og það var hrafnaþing á túninu við hliðina á gangstéttinni og einu sinni voru svona 30-40 krummar búnir að raða sér á grindverkið við hliðina á göngustígnum.. .ég hélt ég myndi deyja! Svo finnst mér uglur líka geðveikt krípí, gónandi á mann. Og líka páfagaukar sem eru lausir.. þoli það ekki.. getur fólk ekki haft þetta í búrunum!
Einu sinni fékk Einar bróðir páfagauk lánaðan til reynslu, og hann gat ekki flogið og við settum hann einu sinni á plötuspilarann á hraðan snúning.. það var fyndið!

Hann er flottur hann Boston Rob, ég er mikið að spá í að fara til Boston í sumarfríinu og reyna að hitta hann, stela honum frá Amber, enda er þetta örugglega bara eitthvað tilfinningaflakk þarna í gangi útí miðjum frumskógi sko!

Sjáið hvað hann er flottur í Rottweiler hlýrabolnum sínum!

Mmmm mér finnst Boston Rob svo geðveikt sætur.. vild' ég væri Amber í Survivor!
Ég veit hann er með þullarödd og skrítinn húmor.. en hann er samt drop dead gorgeuos *sklef*
Horfði enginn á þessa söngvakeppni framhaldsskólana, voru bara allir að djamma á laugardaginn.. maður fær bara engin komment á það! Mér finnst nefnilega geðveikt gaman að fá komment! Annars finnst mér eins og ég sé að skrifa útí bláinn og enginn að lesa þetta bull! (já ég er að kvarta....)
Ég sé að það ætla 2 að fá sér permó um páskana.. mér líst vel á það!
Ég ætla hinsvegar að fara í strípur 17. apríl.. get ekki beðið!

Ég er að tryllast á saumunum á mér!!! Vill einhver taka þá??
Fer reyndar á morgun í saumatöku, verð að þrauka!
Sá Bachelor endursýndan í gær, skil ekki hvað þær sjá við Bob, mér fannst hann fyrst voða næs gæi (sem hann er örugglega), en hann er svo væminn og með alveg eins hlátur og Trista vinkona hans og ef maður horfir á hann og pælir í andlitinu þá er hann bara ekkert eins sætur og við fyrstu sýn!
Ég er samt til í íslenskan þátt, og ég skal vera Piparsveinkan!

Vaknaði með hálsbólgufíling.. fíla það ekki! Mig langar ekki að vera veik um páskana, loksins þegar maður fær nokkra daga frí!!!
Helgin var með rólegasta móti.. horfði á Söngkeppni Framhaldsskólanna á laugardagskvöldið, of course, enda mikill áðdáandi þessarar keppni.. en ég verð að ég segja að yfir heildina litið var ég frekar svekkt, mjög mikið af lélegum atriðum verð ég að segja. Og bara 2 með original íslensk lög, allt annað þýddir textar (mjög oft beint þýddir og leim) og reyndar einn furðufugl með frumsamið lag, sem ég fílaði nú dáldið þegar ég skildi hvað hún var að segja (þetta er shitty shitty shitty fuckin fuckin fuckin lag) en guð minn góður svo kom myndarlegur piltur og gæji með gítar á barstól og tók Itchy palms með Heru og var búin að snara textanum yfir á íslensku.. ég hélt að hann væri að djóka... en nei hann kláraði lagið.. lélegasti söngvarinn 2004..
Er þetta lið ekki búið að fylgjast með Idol og ná sér í tips? díses kræst sko! Held að Simon Cowell væri dauður ef hann hefði verið dómari þarna!
Annars fannst mér MA og MÍ flottast, MA var með "Take on me" og MÍ með "I belive in a thing called love"!

Ohh ég er ekkert smá fúl, ég sofnaði í sófanum í gær fyrir kl. 21.30.. ég sem horfi alltaf á fyrri hlutann af Bachelor og svo Sex and the City og ég missti af öllu saman í gær!! Ohhhh
Afhverju getur RÚV ekki endursýnt eins og Skjár 1 ??
Ég hef eigilega ekkert að skrifa um.. algera andlaus.. búin að sofa alltof mikið!
Nema að ég var í fæðingablettatöku dauðans í gær í klukkutíma, teknir voru 8 stykki takk fyrir.. nú líður mér eins og svissneskum osti.. götótt! En ég verð að segja ykkur fyndið.. get ekki haldið því fyrir mig, ég var að deyja þegar ég lá á bekknum hjá lækninum, var svo mál að prumpa og hélt því í mér.. en svo missti ég eitt út.. og varð dáldið vandræðaleg og sagði: "Afsakið" og læknirinn sagði: "ekkert mál!" eins og ekkert hefði ískorist!
Hahahahaha afhverju finnst manni prump svona fyndið og neyðarlegt??

Týpískt, ég er búin að vera að bíða eftir að fá útborgað til að geta keypt mér Mango Body Butter í Body Shop, en nei svo tímdi ég því ekki.. fór að pæla og komst að þeirri niðurstöðu að ég nenni aldrei að setja krem á mig.. og svo var ég búin að ákveða að kaupa mér nýja hversdagstösku, nei þá er ekki til ein einasta sem mig langar í í allri Kringlunni! Og ég á þessa inneignarnótu í Veró Moda, og það er ekki til ein flík þar sem mig langar í.. hvað er málið?