Djöfull finnst mér verðið á salatbarnum í 10-11 og Hagkaup hafa snarhækkað, 329 kall lítið box!!! Svo kaupir maður sér kannski eitthvað brauð með og hálfan líter af pepsi Maxi þá er þetta orðið næstum 600 kall!!!!! Helvítis okur.. (best að róa sig aaaaðeins) samt sem áður er ég rosalega ánægð með salatbarinn í 10-11 Lágmúla, mjög girnilegur og vel hugsað um hann. Allskonar pasta, grænmeti, fetaostur, sólþurrkaðir tómatar, hnetur og brauðteningar og sticks og ýmislegt annað gott! Ok ég er sátt við að borga 329 kr.

Eftir að ég kom úr sumarfríinu er ég búin að gera margar tilraunir til að vakna kl. 6 til að fara í ræktina.... það hefur einu sinni tekist.. hvað er málið, ég og hausinn á mér erum bara ekki sammála stundum. Ég er á fullu að snúsa og réttlæta snúsingarnar fyrir mér í svona 1 og hálfan tíma á morgnana... kreisíness!

Ég sá í fyrradag endursýninguna á því þegar Auddi var dáleiddur í 70 mín. af þessum dávaldi sem var með sýningu hérna um daginn og guð minn góður, þetta var nú bara pínlegt að horfá þetta. Sérstaklega þegar hann sat á venjulegum stól og hann hélt að stóllinn væri kona sem hann væri að hömpa og svo fór hann að nudda stólbakið og rassskella setuna.. ég hélt ég yrði ekki eldri, þetta var bæði svona neyðarlegt að sjá og ógeðslega fyndið!

Frænkur mínar eru búnar að bjóða mér með á konukvöld Létt 96,7 sem er í kvöld... ég sagði já en núna er ég með bakþanka... ég er ekki þessi týpa sem fer á konukvöld! Ekki nema að það væri karlstripparar... annars veit ég ekkert um þetta.. örugglega bara fullt af kellingum að mæla hvora aðra út og hneykslast á outfittinu manns eða eitthvað! Ég dey samt ef Valdís Gunnars er þarna.. þá er ég farin heim!

Ég er alveg eyðilögð, ég missti af Innlit Útlit í gærkvöldi !!!!!!!! NOOOOOT múhahahhaha, samt verð ég að viðurkenna að ég er dáldið forvitin að vita hvert var farið og svona.. forvitnin er minn helsti galli, sem getur samt líka verið kostur í fari fólks. Það hlýtur að vera leiðinlegt að vera ekki forvitinn..

Vá ég hef svo innilega ekkert að segja hmmmmmmmm.... hlýt að geta fundið eitthvað, bara eitthvað pínulítið pointless eins og mér einni er lagið líkt...*huxihuxihux*

Nada - ingenting - nothing - EKKERT

eggert mál blezadur!

Skrifborðið mitt í vinnunni!
Myndina sendi Anna

Powered by Hexia

Jæja Hex fólkið Maja og Bjössi eru að kvarta yfir ljótu lúkki á mBloggi Símans... mér er í rauninni alveg sama hvar þetta er.. reyndar er ég alveg sammála þeim með lúkkið, en ég vil bara hafa þetta einfalt!
Ég er allavega búin að skrá mig hjá Hex og get þá sent beint myndir hingað inná bloggið sem er bara cool, þar sem ég ætla nú ekki að vera að taka myndir villevekk sko, ekki nema þegar ég eignast diggí vél!

Annars byrjaði helgin fremur rólega hjá minni, en fór svo á óvænt dauða og djöfuls fyllerí, já fyllerí á laugardagskvöldið.. ég hitti allavega Svölu og nýja gæjann hennar á Bar 11, þar þykir mér samt ekki gaman að vera, alltof lítið pleis og mikið af fólki.. þannig að ég fór á Hverfisbarinn og var eitthvað eipa þar og svo vaknaði ég bara heima hjá mér í sófanum kl. 10 í gærmorgun, með sjónvarpið á fullu og ennþá í djammfötunum...... með kebab í annarri hendinni, smart gella!

Svo tók við þynnka dauðans... ég er á hálfgerðum bömmer yfir þessu, verst hvað ég er fljót að gleyma þegar næsta djamm er í boði..

Núna er ég heima hjá Einari bró og Lilju, þau buðu mér í mexikóskan mat... sem var mjög fínt, alltaf gott að fá svoleiðis að borða og ekki nenni ég að elda svoleiðis fyrir mig eina, það er alltof mikil fyrirhöfn fyrir einbúa!

Lúðastrákur
Myndina sendi ég

Powered by Hexia

Hef nú ekkert merkilegt að segja, nema að ég var að búa mér til myndablogg síðu hjá Símanum og ætla að reyna að henda inn myndum þar öðru hvoru ef ég tími!!!!! Það kostar 29 krónur hver sending! Já nei ég er ekki nísk... ég er bara nísk á fáranlegum stöðum... en já nóg um það, góða helgi! :)
Slóðin á nýja myndabloggið er fyrir neðan könnunina!

Fyrir 86 árum í dag, fæddist hún Emelía amma mín. Þá var frostaveturinn mikli, 1918, þá var hægt að labba yfir Faxaflóann frá Reykjavík til Akraness.. langaði bara að segja ykkur þetta til fróðleiks og gamans.. það væri nú þægilegt fyrir hana Svölu vinkonu, þá gæti hún skautað heim úr vinnunni í nýju íbúðina sína! :)

Ef ég eignast dóttur þá langar mig að skíra hana Emelíu.. eftir ömmu heitinni.. mér finnst það voðalega fallegt nafn!

Vá það er bara kominn 23. sept sko.. bráðum á ég afmæli og svo koma jólin.. tíminn er ekkert smá fljótur að líða..... ég verð orðin fimmtug áður en ég veit af.. þá verða líka komin vélmenni og fljúgandi bílar.. haldiði??

Í morgun þurfti ég að skrapa af framrúðunni á bílnum, sem betur fer ég var ég búin að kaupa mér skröpu, þannig að það gekk bara vel... þurfti að redda mér með geisladiska hulstri um daginn.. Mig langaði í svona skröpu með lúffu en það var ekki til, veit einhver hvar svoleiðis er til?? Ég verð samt að viðurkenna að það var nú ljúft að vera bara á strætóog þurfa aldrei að skrapa..............

Ég var að setja inn nýja könnun, því að mér finnst þetta slagorð hjá Agli um Kristalinn, vera eitthvað svo fáranlegt... "það sést hverjir drekka Egils Kristal" sorry en ég bara sé það ekki.. það sést kannski að ég drekk ekki svoleiðis lengur.. fíla betur Pepsi Max..

Ég er fatasjúk... langar í svartar buxur og kúrekastígvél.... Howdie cowboy!

Ég ligg oft uppí sófa á kvöldin og er að horfá tívíið og hugsa, "þetta ætla ég að skrifa um á blogginu á morgun" .... en svo man ég aldrei neitt! En allavega í gær horfði ég á True Hollywood stories og var maður þáttarins Marky Mark a.k.a. Mark Wahlberg og hafði ég mjög gaman að sjá þetta, þar sem ég fíla hann geðveikt vel, sérstaklega í Boogie Nights og Rockstar! Hann ólst uppí fátæktarhverfi í Boston og er búinn að vinna sig upp í að vera frægur Hollywood leikari í grófum dráttum sagt... Og eitt sem ég vissi ekki var að hann var víst í New Kids on the Block til að byrja með ásamt bróður sínum Donnie Wahlberg, en svo fílaði hann sig ekki í svona boybandi og fór að rappa með hljómsveitinni Marky Mark and the Funky Bunch... Svo var hann Calvin Klein nærbuxnamódel og upp úr því byrjaði hann að vera dýrkaður in the gay community og hann fílaði það bara held ég......
En guð ég man hvað ég dýrkaði New Kids on the Block.. sérstaklega lagið þarna "oh óó she's my covergirl" ég var alltaf skotin í Joe, sem lék um stund einn kennarann í Boston Public! enda Boston strákur.. þetta Boston lið sko! :)

Sjáiði hvað hann er flottur!!


Vissi nú ekki að hann væri nude model...!
soldið gayish porn mynd...

Jæja hafiði tekið eftir því að bloggið mitt byrjar oft á "jæja" en svona er ég svona jæja-manneskja! Alltaf þegar maður er í heimsóknum og vill fara að fara, þá kemur alltaf þetta klassíska jææææja!!! Svo kann hún Auður Aþena líka að segja jæja, alltaf þegar maður að nálgast áfangastað í bílnum, heyrist alltaf í henni afturí "jæææja" - mjög krúttilegt sko!

Haldiði að mín sé ekki bara komin með vírus í augun, haaaa? Vakna nokkrum sinnum á nóttinni til að þurrka slímið úr augunum, annars límast augnhárin saman og ég get ekki opnað augun, annars var ég hjá doktornum áðan og fékk dropa! Verst að maður býr einn og það er ekkert sérstaklega gott að setja þetta sjálfur í augun... Ég fékk hjálp hjá Boggu sem vinnur með mér áðan.. kannski að ég fari til nágrannans og biðji hana um að setja þetta í augun í kvöld... hahahha!

Svo fór ég að spurja hann um hárlos, því að ég er með últra los um þessar mundir! Mér finnst bara hreinlega stórfurðulegt að það skuli vera 1 hár á höfði mínu... en allavega þá sagði hann að hárin eru mjög lengi að taka við sér og kannski hefur eitthvað áfall eða stress eða eitthvað verið fyrir 6-9 mánuðum sem orsakar þetta... ég man nú reyndar ekki hvort ég lenti í einhverju áfalli þá en...... en allavega taka B5 pantótenant!
Vona bara að ég haldi 3 hárum eftir, í tíkó og topp!

Survivor var bara svona lala.... soldið asnalegt að liðin séu kynjaskipt, en það á örugglega ekki eftir að breytast... enginn áberandi hönk heldur.. ekki eins og Boston Rob mmmm ... en auðvitað einhverjar sílíkontúttur á svæðinu að sýna sig! :) Ætla samt auðvitað að halda áfram að horfá þetta!!!

Freisa freisa noma noma nomana .... spánarlagið sem er alltaf verið að spila!!!

Ég og Auður Aþena áttum saman góða helgi, fórum í sund og Kringluna og heimsóknir og niðrá Tjörn, hún er líka æðisleg þessi litla rúsína!

En svo horfði ég á Practice í gærkvöldi og þá drapst stemmningin, sem betur fer var helgin líka á enda! Ég held ég neyðist til að hætta að horfá þessa dramadauðans þætti! Þessi breska gella Tara er alveg að fara með mig, hún á að vera svo klár og væmin að maður gæti ælt, Eugene með sínar hnausþykku varir að drepast úr húmorsleysi og alvörugefni. Alan (James Spader) aðeins of ýktur ýktur (já þetta átti að vera 2xýktur) karakter... ég meina .. það er enginn svona klikkaður! Og svo hún þarna Eileen (heitir hún það?) alltaf að verja hann sem ég skil ekki, því hann er bara að setja vont orðspor á stofuna.... sem betur fer eru vælukjóa hjónin hætt í þáttunum... úff Bobby og hún þarna beyglan sem ég man ekki hvað hét!
Vá hvað ég get rövlað yfir einum þætti!

Fór á djammið á fös.. ein með 3 pörum .... þarf að segja meira! hehe neinei ég segi svona, þetta var ágætt þangað til að við fórum í bæinn, maður var bara ekki nógu fullur því ég sá hvað allir voru hrikalega ungir á Hressó! Svo endaði þetta bara með Kebab og heimferð... enda var ég bara ekkert þunn á laugardaginn... já maður ætti kannski að fara að drekka minna í einu! *pæling*

Annars er Survivor að byrja í kvöld.. hlakka til að sjá það! :)

Ég held ég taki bara mark á niðurstöðum úr könnununni... 5 segja mjög bráðlega... einn sagði never.......... ég hlusta ekki á svoleiðis sko! :)

Ég keyrði Langholtsveginn í vinnuna í morgun og þar stóð Helgi Hóseasson með mótmælaspjaldið sitt... hann var bara í nýjum jakka! Svo silfurblár með belti um sig miðjan.. frekar fyndið!

En hver laug því að mér að Hringur róni væri dáinn??? Ég var að keyra niður Laugaveginn um daginn og þá hjólar hann á móti mér! Ekki nema að ég sé farin að sjá drauga hehe...... vonandi ekki!

Ok ég verð að bitsjast yfir einni auglýsingu.... nýja MacDonalds auglýsingin þar sem er verið að auglýsa salötin og eitthvað og svo er sagt "Þessar eru líka nýjar á Mac.. Guðný þessi óþolinmóða, Ása sem er alltaf að passa sig og Sigga sem er eitthvað blalablal" eins og þær hafi aldrei farið á MacDonalds fyrr en það kom eitthvað salatdæmi... yeah right.. mér finnst þetta vera svona "einu sinni voru bara feitir og ógeðslegir viðskiptavinir á Maccanum, en eftir að salötin komu þá koma allar mjóu fallegu konurnar líka!!!!!!"

Nótt dauðans er búin... úff djöfull svaf ég illa.. ég var alltaf að vakna í svitabaði eftir klikkaðar draumfarir og þá var veðurbarningurinn á rúðunum að gera útaf við mig!

Var komin í fortíðina, ég var heima hjá Auði í Kambaselinu að hafa mig til, af því að ég ætlaði að fara heim til Óla H. (sem var svona einn af gæjunum þarna í den..) og reyna við hann, en hann var með einhverri asískri stelpu og svo fann ég aldrei húsið hans og Auður var að lána mér sokka og þeir voru ósamstæðir og ég veit ekki hvað og hvað....

Svo var annar draumur þannig að ég fór á bílnum eitthvað með pabba og við lögðum í eitthvað bílastæði, en þá mátti ekki leggja þar því að það hékk einhver forljót ljósakróna þar sem mamma hans Davíðs Oddssonar hafði fengið fyrir mörgum árum, og ég var reyna að bakka og klessti alltaf á og pabbi var brjálaður... úffff!

Svo var ég komin til Sigrúnar að horfá eitthvað voða merkilegt í sjónvarpinu og hún var að segja mér að hún elskaði Ísland og væri svo mikill þjóðernissinni, og Ása María dóttir hennar var þar og talaði á milljón eins og hún væri 10 ára.. en hún er bara að verða 3 ára sko.. og svo fór Sigrún að tala um eitthvað nýtt efni, sem hét gallakripton hahahha :)

Svo var ég á leiðinni heim og einhver strákur fékk far með mér, rosalega sætur sko, og þegar ég er komin heim þá fer ég útí búð að kaupa krossgátublað... en allavega hann kemur líka og er að kaupa sér eitthvað nammi og lyklakippan hans lá á afgreiðsluborðinu, þá fer gæjinn sem var að afgreiða að skrifa eitthvað á lyklakippuna og svo kíkti ég á það og mér fannst þetta svo merkilegur frasi í draumnum og ég ætlaði sko að muna hann, en hann var svohljóðandi:
"2 fyrir 1 er bara fyrir hálfa menn, segir mamma mín!"

Jæja mín er komin á stjá aftur á Prívatinu og er með nokkra gæja í takinu.. vá sérstaklega einn sem hljómar ansi vel, í góðri vinnu, töff klæddur, barnlaus og reyklaus og er ólmur í að bjóða mér í rómantíska bústaðarferð með rauðvíni, nuddi og alle sammen...... en maður spyr sig, hvað er svona fullkominn maður að leita sér af konu á netinu????... hann vill ekki sýna mér mynd... þannig að ég býst alveg eins við ófríðum manni.. hehehe!
Æj þetta er fáranlegur bissness!

Afhverju er ég að horfá Innlit Útlit, vill einhver segja mér það? Ég bara engist um af pirringi þegar ég horfi á það og ég skipti um rás þegar mámímó-beyglan kom og var að sýna eitt af 18 heimilum eða veitingastöðum sem hún á!

Ég hringdi í Tvíhöfða í morgun í kvörtunarhornið, og ég var svo hissa þegar þeir svöruðu og var alveg eins og lúði.. "halló, hver er þetta? Má ég tala? " ég þekkti sko ekkert raddirnar á þeim í símanum... og svo var þetta líka eftirá í útvarpinu hjá mér og ég er að fatta að það er örugglega útaf því að ég er að hluusta í gegnum netið! Svo var ég bara að segja þeim að ég fílaði Smásálina og konuna sem hringir þangað stundum sem er alltaf hálfvælandi yfir öllu! Já þetta voru mínar 10 sekúndur af frægð, þá á ég 14 mínútur og 50 sek. eftir! :)

Ég datt inná sorpþátt dauðans á Popptíví í gær, en hann heitir Carabbiean Uncovered eða eitthvað slíkt. Og þeir sem þekkja Ibiza uncovered þekkja hvernig þetta er uppsett.. það er semsagt verið að fylgjast með ákveðnu fólki sem er þarna að skemmta sér á ferðalagi og líka nokkrum innfæddum!

Og það sem mér fannst mjög fyndið var einhver Jamaica gæji sem hét Glen, sem var svona gigalo þarna. Hann fór á bari og reyndi við konur (helst giftar) og bauð þeim blíðu sína til sölu.. og hann var nú ekki fríður greyið en kroppur var hann og mjög stoltur af sínu bamboo (typpi á djamæísku)! Og var hann nú einmitt sýndur þegar hann var að hafa sig til fyrir djamm og fór í sturtu og það sást nú í bambooinn á honum og þetta var nú ekkert lítið....... en það sem mér fannst fyndið var það sem hann sagði og það var; "Guð bjó fyrst til Jamaica-manninn og ákvað að hafa stórt typpi á honum, en svo þurfti hann að búa til alla hina mennina í heiminum og þá var svo lítið eftir að hann þurfti að deila því á alla hina og þess vegna eru jamaica-menn með stærstu typpi sem þekkjast!" hahahaha ....kannski eitthvað til í þessu hjá honum samt!

Svo voru líka einhverjar 3 breskar kellingar um fimmtugt þarna, sem ég held að hafi bara farið þangað til að hitta svona jamaica-gigalos og þær voru gjörsamlega á lóðaríi! Svo var sýnt frá einhverjum karlavinahóp (menn ca. 30-35 ára) sem voru saman og hittu einhverjar jamaica-pæjur og þau fóru í sannleikann og kontór... og já.. þetta var nú ekki eins og þegar maður fór í þann leik þegar maður var í bekkjarpartíunum hérna í den... neinei fólkið var bara að strippa og glenna sig.. frekar subbulegt! Þannig að ef ég eignast mann þá fær hann ekki að fara í vinaferð til Jamaica, það er alveg á hreinu! en eins og ég segi... þá þarf maður endilega að fara að drífa sig .......... eitthvað! :)

Ég tók Gothika á leigu í gær, snemma! Ég byrjaði að horfá hana um hálf átta og þá var ennþá bjart og svo var eigilega orðið alveg dimmt þegar hún var að enda.. ég meika ekki að horfá svona myndir ein í myrkri.. úff.. mér brá bara einu sinni þannig að ég öskraði smá. Mér finnst líka allt í lagi að horfá hryllingsmyndir ef ég horfi svo á eitthvað annað á eftir .. meika ekki að fara beint að sofa! En já myndin, hún kom bara á óvart.. var dáldið sniðugur söguþráður sem kom mér á óvart!

En svo í morgun á leiðinni í vinnuna var Jón Gnarr að segja frá myndinni The Terminal með Tom Hanks og ég held ég þurfi ekkert að sjá hana, hann sagði bara frá allri myndinni.. enda langar mig ekkert endilega á þessa mynd, hins vegar langar mig að sjá Dís, en ég tími ekki á hana í bíó.. bíð bara eftir að hún komi á dvd!

Helgarskýrslan!
Hin fínasta helgi.. á föstudagskvöldið gerði ég akkúrat ekkert nema að horfá Crossroads .. ágætis unglingamynd svosem og hún fór ekkert í mig hún Britney litla!

Svo fórum við pabbi og Einsi litli á torfærukeppni á Hellu á laugardaginn, helvíti gaman! Það er þvílíkt stuð að horfá þessa bíla þjösnast upp brekkur og velta og missa dekk og springa með eldglæringar.. mæli með þessu sem tilbreytingu á laugardögum... sleppa því einu sinni að fara í Smáralindina eða eitthvað! Reyndar var þetta síðasta keppnin í ár en svo byrjar þetta aftur næsta sumar!

Um kvöldið var mér svo boðið í dinner til Önnu B og Róberts þar sem fyrsta fórnarlambalærið hennar Önnu var eldað! Mjög gott skal ég ykkur segja og svo var bara spjallað fram eftir kvöldi.. og ég var bara róleg.. meikaði ekki djamm!! Enda var svo yndislegt að vakna í gærmorgun/hádegi hress og spræk og fara í soðinn lax til m&p í hádeginu og spila skrabbl og ég vann einu sinni!!

Eru það ellimerki ef maður hlustar á Rás 2?

Hvað er eigilega skon?

(sbr. SkonRokk)

Hafiði horft á Glæpamann í tjaldi?

(Criminal Intent)

Djíses kræst.. ég er að hlusta á Kiss fm 89.5 og ég er að segja það, þetta er hræðileg rás. Helmingi verri en fm 957, sem er hátíð bara.. þar eru allavega spiluð venjuleg lög inná milli, en á Kiss eru bara svona pussy og dick lög.. svona eins og rassadillingarlögin á popptíví.. og auglýsingar eru verri.... ég hata auglýsingar frá 2 búðum og það eru X-eitthvað stelpubúð í Kringlunni og Herra Hafnarfjörður... úfff og svona lesnar leiknar útvarpsauglýsingar fara með mig!

Vinnuvikan er að verða búin, ótrúlega fljót að líða maðurrrr!!! Enda eru bara alltaf helgar, jól og páskar.. já tíminn líður hratt á gervihnattar öld krakkar mínir!

Helgin er óráðin, ég er með ógeð á djammi, búin að djamma síðustu 5-6 helgar held ég bara... þynnkan fer með mig! Kannski fer ég með pápa og brósa (*klígj*) á torfæru á Hellu á morgun.. það er gaman að horfá þessa brjáluðu menn spyrna upp þessar brekkur og velta og svona!

Góða helgi!!

Jæja þá er maður búinn að gúffa í sig heilum Nonna... helvíti gott! Ég sem ætla að fara í brauðbindindi en stóðst ekki freistinguna! :) Ég var nebblega að heyra að ef maður er dáldið búttaður á upphandleggjum og bringu þá er það oftast kolvetnafita... en ég myndi aldrei nenna á einhvern Atkinskúrs dæmi.. en maður má nú alveg slaka á í brauðmetinu!

En allavega á Nonnabita áðan var eitthvað geitungahelvíti að bögga alla, ótrúlegt hvað svona lítið kvikindi getur stjórnað manni. Maður er bara ekki í rónni þegar þeir eru sveimandi í kringum mann.. en ég var með Pepsi Max sem er sykurlaust og þess vegna settist hann ekki á dósina mína.. en hann var búinn að fá sér sopa hjá öllum inná staðnum held ég... vá hvað ég er að skrifa um pointless hluti hérna hehe!

Í gærkvöldi horfði ég á Americas Next Top Model með henni Tyru litlu Banks.. og þetta byrjaði með drama, nafna mín hún Anna, sem er pluz size model (og hún var nú ekki feit), gat ekki hugsað sér að fara í bodypaint nakin útaf manninum sínum og syni. Grenjaði eitthvað; "ef ég sýni öllum líkama minn berann, þá er ekkert lengur spes fyrir manninn minn að sjá mig þegar ég kem heim", oh my gad crap, hvernig ætlar hún að geta verið fyrirsæta ef hún getur ekki berað sig!!! Þetta voru henni dýrkeypt mistök, því hún var rekin út en ekki litla gellan sem svaf yfir sig.. Vona að ég sé ekki að skemmileggja fyrir neinum sem á eftir að sjá þetta... en mér heyrist svosem ekkert margir vera að fara að horfá þetta!

Já maðurrrrrrr.... ég horfði á Innlit Útlit í gær, ekki spurja afhverju!! En vá hvað þessi þáttur er þunnur þrettándi! Og þessi Gulla í Mámímó er alveg að fara með mig, ég meina þetta er kelling um fimmtugt en heldur að hún sé tvítug og svo er alltaf verið að sýna heima hjá henni bæði hér í rvk og akureyri og allt svo geðveikt flott og sniðugt að Vala Matt missir vatnið á staðnum... úff crap!!
Og já meðan ég man, eru álfabuxur í tísku? Einhver Freyr arkitektanemi þarna í þættinum var í jakkafatajakka og ýkt þröngum buxum... fyndið!

Síðan horfði ég á Djödgíng Eimí.. það er ágætis þáttaröð, ekki of mikið drama... en í kvöld byrjar Americas next top model og ég bíð spennt. Síðasta þáttaröð var allavega skemmtileg og dramatísk en þessi á að vera helmingi verri í dramadrottningarmálunum!!!

Er ég að breytast í sjónvarpsfrík á ný? Eftir frekar lítið gláp í sumar þá held ég að ég megi það aaaaaalveg sko!
Ég var að setja inn link með Crapwoman.. ekki fyrir viðkvæma!

Jæja nú ætti sjónvarpsvertíðin að fara að trylla landann ærlega.. reyndar finnst mér ekki margt í boði á Skjá einum finnst mér.. reyndar á Survivor að fara að byrja, svo er dramaþátturinn Practice og CSI... ég væri alveg til í að vera með Stöð 2 í haust sko! Þar verður Idolið og Svínasúpan og einhver nýr real-tv þáttur sem heitir Something about Miriam, en hann er svona eins og Bachelorette nema að þarna er hún Miriam í rauninni karlmaður en biðlarnir vita það ekki.. spennó!

En fyrir helgi tók ég frekar undarlega bíómynd sem heitir The Dreamers. En hún fjallar um tvítugan amerískan pilt sem fer í nám í París árið 1968. Og hann er kvikmyndaunnandi og kynnist í bíói systkinum tveim, eða reyndar tvíburasystkinum og þau bjóða honum að búa hjá sér... og þá fara ýmsir pervertískir hlutir að ske... Já systkinin eru kynferðislega náin.. mjög furðó! En ég féll alveg fyrir ameríska gæjanum, honum Michael Pitt, sem ég hef oft látið fara í taugarnar á mér útaf mjög þykkum vörum.. en þarna er hann drop dead sko, það sést líka í typpið á honum í myndinni!! híhí

Þetta er Michael Pitt hinn girnilegi!


Og hérna eru systkinin og M.Pitt saman öll í baði!

Jæja þá er ég komin aftur í vinnuna. Það er svosem ágætt að komast aftur í smá rútínu. Fríið mitt var yndislegt og ég náði að nýta mér það í botn.. hlaða batteríin. En þar sem ég nennti aldrei að fara í einhverja atvinnuleit í fríinu, þá er ég búin að lofa henni Lilju mágkonu minni að vera að ekki að tuða um vinnuna.. allavega ekki við hana. Æji það er líka bara niðurdrepandi að vera alltaf að rövla...... múhahhaa.. fyndið að ÉG skuli vera að segja það, drottning nöldurs og pirrs!

Ég fór aðeins á djammið á laugardagskvöldið með systrunum Sigrúnu og Mæju.. það var rosafínt bara. Alltaf gaman að flippa og syngja heima hjá mér, finnst mér allavega! Síðan fórum við á Hressó sem er bara fín búlla og þar fékk ég aðeins að læra meira um málsháttinn "ekki dæma bókina af kápunni". En þar hitti ég pilt sem var sjúklega myndarlegur, svona eins og ungur Richard Gere og í töff jakkafötum, en svo var hann eigilega bara ömurlegur.. Var að tilkynna mér að hann hefði engan á áhuga á mér óspurður, mér finnst það nú dáldið turn-off.. enda myndi ég aldrei vilja eiga svona sætan mann, hann yrði aldrei látinn í friði!

Þannig að ég held bara áfram að vera ein, það er svosem ágætt, þá þarf maður ekkert að fela morgunprumpið og svona! :)