Jæja nú getur maður gleymt því að gera eða fara eitthvað skemmtilegt í sumar! Allar framkvæmdir voru samþykktar á húsfundinum í gærkvöldi. Kaupa sameiginlegan þurrkara, mála sameignina, og gera við húsið.. já þetta verður svona 300-500 þúsund krónur.. aðeins! Ekki það að þetta veitir ekki af.. en það er kannski betra að gera við húsið heldur en að það hrynji einn góðan veðurdag!

Konan sem ég talaði um í gær, mætti ekki... hvað er í gangi? Er hún bara alveg að láta mann í friði? nei maður spyr sig. Samt var endalaust hægt að ræða fram og tilbaka um einhver smáatriði á þessum blessaða fundi, sem stóð í 2 klukkustundir aftur.. og ég missti af Boston Legal..

Sjatnerinn á sínum yngri árum!

Boston Legal eru alveg snilldarþættir og hann William Shatner sem Denny Crane er alveg að gera sig.. fyndinn karakter! En ég sá lokin á Piparsveininum.. og guð minn góður.. afhverju er maður að eyða tíma sínum í þetta? Og núna verð ég að fylgjast með þessu.. strax orðin húkt! .. eða sjáum til.. maður á kannski ekki að vera hanga svona inni á sumrin og glápa á sjónkann!

Svo er ég að fara á annan aðalfund á eftir.. Aðalfund hjá fyrirtækinu sem ég vinn hjá, ég á að sjá um að útbíta ársskýrslum og fleiru. Þarf að vera fín.. þannig að ég er með dragt með mér í poka.. ég gat ekki hugsað mér að vera í dragt í vinnunni í allan dag.. Þetta er bara ekki svo fansísmansí skrifstofa.. fyrir utan fýluna sem er hérna. Lilja mágkona dó næstum því þegar hún kom inní bílinn minn í gær, því að hann angaði af fiskimjölsfýlu...

Góða helgi!

Jæja fimmtudagur.. sem þýðir að það er alveg að koma helgi!!! vúhú.. hlakka til að fá að sofa út!!

Ég fékk ponsu samviskubit í morgun.. ég mætti konugreyinu sem ég er alltaf að úthúða sem býr á efstu hæðinni í stigaganginum, á leiðinni út í morgun. Og ég hugsaði: "jæja hvaða taut fæ ég núna? eitthvað í sambandi við ruslageymsluna eða eitthvað..." Neinei.. vitiði hvað hún sagði: "Mikið er góður ilmur af þér!" .. Ég fór alveg í klessu og sagði: "Takk, ég var að spreyja einhverju á mig!" ..

Maður heldur alltaf að maður viti hvað fólk muni segja og gera.. en ef maður reynir aðeins að vera umburðarlyndari og sleppir tökunum, þá koma bara svona góðir hlutir uppí fangið á manni krakkar mínir! :)

En það er samt aðalfundur húsfélagsins í kvöld, þannig að ég þarf að taka smá búnt af æðruleysi með mér á hann.. því ég get orðið svo pirruð á svona fundum en það hefur nú bara verið útaf kellu.. En ég verð nú að vera góð við hana, fyrst hún nefndi að það væri góð lykt af mér! :)

Já leyndarmál Viktoríu er greinilega að virka.. allavega á gamlar konur.. ekki ennþá neinir folar að laðast að góðu lyktinni....... buhuhuhu :(

Talandi klósett.. hvað er meira krípí?
Mér finnst þetta nýja Harpic 2 in 1 auglýsing eitthvað svo ósmekkleg, tvær vinkonur að spjalla og svo fer önnur á klósettið og þegar hún kemur inn, grettir hún sig og klósettið segir: "það er ekki hreint hérna, ég myndi bíða með að fara á klóstið þangað til þú kemur heim!" þannig að hún bakkar út. En næst þegar hún kemur er vinkona búin að fá sér harpic og fjólubláar ilmkúlur fljúga upp úr skálinni.. "nú er þér óhætt að skvetta úr 'enni!!" -segir klósettið.

Talandi um klósett, þá er ég byrjuð að kalla konuklósettið í vinnunni Hraunhamar, það er nebblega einhver sem er ansi dugleg við að hrauna í það.. og ekki að skrúbba eftir sig! Ég meina maður skilur ekki bremsuför dauðans eftir í klósettum..

Annars gerðist ég svo fræg að sjá bút úr íþróttaleik í gærkvöldi, íbv-haukar.. stelpuhandbolti. Hvað er málið, 8 af 13 í liði íbv voru úllarar (útlendingar) .. eru Vestmannaeyjar að breytast í Austantjaldseyjar, nei maður spyr sig!

Talandi um íþróttir, þá er mín búin að mæta núna 2 daga í röð í ræktina kl. 6.30 og það er alveg helvíti gott! Yndisleg tilfinning þegar ég labba út og fer í vinnuna.. no more ræcht today! :)

Ég veit ekki hvað kom yfir mig í gærkvöldi en ég byrjaði bara á saklausu uppvaski en var svo komin á fullt í tiltektinni.. fór að ryksuga sófann, sem er svefnsófi og tók hann alveg í gegn og undir hann... ég held að ég hefði nú alveg passað inní Allt í drasli þáttinn.. ryk og snakk og popp og ógeð þarna undir... en allavega fyrst ég var byrjuð að hamast á sugunni, fór ég í stofugluggann að ryksuga rykið þar og stólana mína tvo.. og svo þegar ég var að hamast á öðrum stólnum (hmm það mætti misskilja þetta...) en allaveganna, þá lít ég upp í tryllingi mínum og sé svona 15 cm frá andliti mínu risastóra hlussu... já býflugu!

Ég öskraði auðvitað og stökk burtu.. "hvað á ég til bragðs að taka??" - hugsaði ég. Ekki vildi ég ryksuga hana.. vil ekki að hún fari lifandi inní pokann og fari að fjölga sér þar og búi til bú. En svo varð ég að taka mynd af henni.. auðvitað á diggí vélinni, myndaóða Anna. Og ég öskraði taugaveiklingslega á meðan.. hefði eigilega átt að taka video..

Svo hljóp ég inni í eldhús að reyna að finna eitthvað til að koma henni út, tók stórt glas og umslag og fór aftur inní stofu og nota bene hún var á gardínuvængnum sem er afar þunnur. Setti glasið yfir hana.. náði því fjúff.. en þá byrjaði hún að suða og hreyfa sig eitthvað og ég var svo skjálfhent og öskrandi auðvitað. Smeygði umslaginu bakvið.. en nei hún náði að sleppa og þá var mér allri lokið, það var næstum því liðið yfir mig. En svo flaug hún beint út um svalahurðina.. ég fór útá svalir í geðshræringu minni til að athuga hvort það væru fleiri á vappinu.. neinei, þannig að ég lokaði og var svo með hræðslu og klægjutilfinningu lengi á eftir.

Fór svo aðeins seinna að skila dvd útá leigu og í paranoju minni öskraði ég þegar ein önnur hlussa (eða sama.. maður veit aldrei) flaug framhjá mér! Úff ég meika þetta ekki... ég hata randaflugur og kóngulær! En ég verð samt að búa mig undir kóngulóaveiðar í sumar.. því þeim finnst voða gaman að koma heim til mín og hrella saklausa einbúann mig!

Nú er ég búin að vera að nota tannkrem í 3 vikur sem lofaði því að tennurnar yrðu hvítari á 4 vikum.. ég get ekki séð neinn mun! Ekki nema að akkúrat í 4. viku.. eitthvað gerist.. Þetta er svo mikið rugl allt þetta whitening dót.. tannkrem, tyggjó og hvað þetta allt er.. það eru örugglega 10 ár síðan ég byrjaði að nota svona tannkrem.. ég get ekki séð að barbísmælið sé komið! Krappedíkrapp!

Annars fannst mér fyndið með stelpurnar í The Swan.. þær fengu allar sama stellið, alveg hræðilegt.. skjannahvítar, beinar og yfirleitt of stórar tennur.. Annars fór ég nú að pæla í einu, þar sem þessi fáranlega breytta útlitskeppni er nefnd í höfuðið á Litla ljóta andarunganum leikritinu, hvað hefði hann HC sagt?? Hann er sko örugglega búinn að snúa sér 200 sinnum í gröfinni karlgreyið, og það á 200 ára afmælinu hans! Einn snúningur fyrir hvert ár!
__________________________________

Fyndið, ég var í svona stelpuumræðum um daginn.. vorum nokkrar stelpur að kjafta saman um stráka og svoleiðis og ein var með Súperflört bókina og við hlóum endalaust að þessum ráðum. En svo spurði ég þær hvort þær hefðu lent í einu vandræðalegu, sem ég lendi stundum í og hélt að enginn annar lenti í. En það er þegar maður er í hóp og þegar fólk er að tala saman þá er maður að horfá það og rennir augunum yfir fólkið. En stundum kemur augnablik, þar sem þegar maður rennir augunum yfir kynfærasvæði karlmanns þá tekur hann akkúrat eftir því og þá fer maður alveg í kleinu , verður eldrauður í framan og fer að horfa eitthvað annað. En þeir sitja eftir, yfirleitt í útglenntri stöðu og finnast þeir voða folar.. "hún var að horfá þann eineygða, henni líst vel á mig!" - sem er nú sjaldnast raunin.... maður bara óvart leit yfir þetta svæði..
En já, þær dóu allar úr hlátri og höfðu allar lent í þessu.. en þið stelpur hérna?

Annars var ég að setja auglýsingu hérna til hliðar.. nei bara svona að ganni, nýta mér aðstöðu mína! Ég er bara orðin leið á því að hanga alltaf ein eitthvað þegar ég er í fríi... langar í strákavin.... uhuuhu sad but true!!

What Famous Leader Are You?
personality tests by similarminds.com

Já það er komið sumar, sól í heiði skín, vetur burtu farinn ræræríræ!

Er ekki alltaf sagt að ef það rignir á sumardaginn fyrsta að þá verði gott veður í sumar? Nú ef málið ef það er málið, þá verður þetta sumar kannski stórskemmtilegt hjá mér! Því vá mér leiddist í gær... svaf til hádegis, fór svo að þrífa, ræbblaðist um í smáralind.. fór heim og horfði á þunglyndisbíómynd, sofnaði svo milli 18-20. Fór þá að reyna að finna mér eitthvað að borða, meikaði ekki að fara ein að borða á suma staði, en ákvað svo að fara ein á Kebab húsið.. kíkti svo aðeins til Einars og Lilju..
En eymd er valkostur.. og það átti sannarlega við í gær!

Annars er alveg heví fínt að fara svo aftur í frí á morgun.. tiltektardagur í sameigninni og svona.. ég verð að mæta, ég stakk uppá því! Enda annað eins rusl hefi ég ekki séð.. pizzukassar í tugatali og allskonar drasl og rusl..

Vá hvað ég hef innilega ekkert að segja hérna.... þá er best að halda kjafti!

Góða helgi fólk!

Í nótt var semsagt Seljaskóla reunion og ég var blindfull að taka myndir af öllum. Þarna voru auðvitað Svala, Magga, Fanney, Auður, og fleiri Selskælingar í mínum árgangi.. og allir voru orðnir geðveikt pirraðir á mér. Svo átti að setjast við eitthvað langborð og þá var ég eitthvað að dissa reykingafólk og þá varð Magga brjáluð... þá varð ég geðveikt fúl og sagðist bara ætla að fara heim.. Þá sat Gunni Hafsteins (litli) á næsta borði og var að dissa mig og sprautaði Trópí hárið á mér.. þá varð mér allri lokið og staulaðist út, með fullan poka af drasli.. myndavélina og símann og svona..

Svo kom einhver kall og spurði: "hver týndi vísakortinu og meiköppbuddu?" og ég alveg blindhaugadrukkin: "ég ohh takk.. ég er svo kærulaus alltaf.. ", svo sá ég að ég var með bíllykil í töskunni minni, þannig að ég reyndi að hringja í Fanney, en ég gat bara ómögulega fundið hana í símaskránni og ekki stimplað inn númerið og það var voða vesen.. þannig að ég fékk einhverjar stelpur til að hringja fyrir mig.. svo allt í einu ætlaði ég að reyna að ná leigubíl (þetta var sko eins og ég væri þarna hjá gamla Borgarapóteki rétt hjá Lágmúlanum), þá var engan bíl að fá... en þá kom Leið 4 og ég náði honum og ætlaði bara að labba frá Árbæjarsafninu, en var alveg með hnút í maganum hvernig ég ætti að komast þaðan því ég var svo full að ég gat varla staðið..

Frikki "flatfés" að keyra strætóinn og ég settist í einsmenningssæti fremst og var alltaf að næstum því að detta úr sætinu því ég var svo full.. en svo snarstoppaði vagninn og Gísli Steinar kom inn.. og hann var draugfullur og ég reyndi að fela mig því ég vildi ekki að hann talaði við mig, neinei þá kom bara Frikki og henti Gísla út og buffaði hann Gísla í tætlur og brunaði svo af stað. Þá sé ég allt í einu að einn maður sem vinnur með mér er í vagninum og ég spyr hvort hann hafi ekki verið kennari í Seljaskóla (sem hann var ekki) og hann alveg "jújú.. konan skutlaði mér á reunionið og ég ákvað bara að taka strætó heim", svo var ég með svo mikið af pokum og svo full.. að hann ákvað að bera pokana fyrir mig, þegar ég fór út úr strætó.. sem var allt í einu í Seljahringnum og ég var að fara heim í Kleifarselið og þar tóku mamma og pabbi á móti mér.. svo fór ég blindfull að sofa í gamla herberginu mínu....

Já þvílíka ruglið sem mig dreymir. Sérstaklega eftir að ég hætti að drekka áfengi í haust.. þá er mig alltaf að dreyma fyllerís og "bömmereftirfyllerí" drauma!

En það er allavega gott að maður er ekki að fara á fyllerí í bráð.. ég er alveg uppgefin eftir nóttina.. hálfþunn bara! hahaha

Stundum er ég að setja útá orðaforða fólks sem er utan að landi eða eins og ég kýs að kalla þetta fólk: dreifbýlistúttur! En samt bara í góðu.. ég er ekki með neina fordóma.. neinei.. Ég vinn nú með góðri vinkonu sem kemur frá Djúpavogi og hún notar oft skrítin orð, eins og td. skyggnishúfa í staðinn fyrir derhúfu, strípuð í staðinn fyrir allsber og ýmis fleiri orð sem ég man ekki í augnablikinu..

En oft er ég að segja eitthvað sem hún skilur ekki.. og það er samt ekki eitthvað borgarslangur, heldur eins og með Sæmund og Sæmund í sparifötunum. Ég meina hver veit ekki hvað það er? Sæmundur er mjólkurkex og Sæmundur í sparifötunum er kremkex!

Svo er sumt fólk sem hefur aldrei heyrt um svona kommon hjátrú, eins og með að fá börnin úr kaffikönnunni, ef maður fær síðustu dropana úr kaffikönnunni þýðir að maður verði næstur til að eignast barn, að setjast á horn þýðir að maður giftist ekki næstu 7 árin, svona er ég með margt á hreinu, þar sem að þetta er notað á mínu heimili. Og þegar maður er að frátaka sæti, þá segir maður "heilagur andi".. þá er heilagur andi í sætinu þangað til að maður kemur aftur! Og að hitta einhvern í mýflugumynd... það er svona rétt svo að hitta einhvern en að ná ekkert að spjalla.

Ég meina verður maður ekki að reyna að viðhalda þessum íslensku siðum.. mér þykir það allavega ótrúlega gaman, og kannski er ég púkó fyrir það! En það er bara töff að vera púkó eins og hundurinn Húgó!

Sumardagurinn fyrsti bara eftir 2 daga... eins gott að skýin hundskist burt þá! Eða eins og Auður Aþena segir "farrrru buuurrrrt þkkkkýýýý"!!!

Jæja fín helgi er liðin, og talandi um helgi... þá held ég að Unnur ætti að vera fegin að hafa ekki verið í Djúpu á föstudaginn, annars hefði hún kannski lent á deiti með Helga Rafni ex-idolstjörnu... LOL... Annars fannst mér þetta voða súrt og ömurlegar kurteisisspurningar.. ekkert krassandi!

Svo kom fegurðarsamkeppni Reykjavíkur.. sem er nú ekkert að marka þar sem ég var ekki í henni múhahha.. En án þess að ég viti neitt, þá voru einhverjir að tala um að úrslitin væru eitthvað klíkukennd.. því að gellan sem vann er dóttir Unnar Steinsen, en hún og mamma hennar eru fyrrverandi fegurðardrottningar... Annars hélt ég með Hildi Einarsdóttir, af því að hún er frænka hennar Lilju og er líka heví skutla!

Á laugardaginn skelltum við Svala okkur á Vegamót í hádeginu, í tilefni af 15 ára fermingarafmæli okkar, 16. apríl. Fyndið að það séu 15 ár síðan að maður fermdist.. margt hefur runnið til sjávar síðan. Ég man bara hvað mér fannst ég vera orðin fullorðin þá, miklu fullorðnari en mér finnst ég vera núna!

En svo kíktum við til Fanneyjar að skoða krúttímúsina sem hún eignaðist með Jóa sínum á fimmtudagsmorguninn. Og ég verð að segja að þessi litla stúlka er með fallegri ungabörnum sem ég hef séð, alveg gordjös! :)

Svo var það bara steik og fínerí hjá honum bróður mínum á laugardagskvöldið og svo söngkeppni framhaldsskólanna, sem mér fannst by the way vera frekar slöpp í ár! Ekkert atriði sem sló í gegn hjá mér allavega, mér fannst samt stelpan sem vann alveg eiga það skilið!

Tók 2 myndir um helgina, Bridget Jones 2 og Man on Fire... mér fannst Brigdet ekkert spes....... en Man on Fire var alveg helvíti góð og vá.. ég veit ekki hvort maður þori að fara til Suður-Ameríku eftir þetta.. þvílík glæpastarfsemi í gangi þarna!

Annars á mamma afmæli í dag; til hamingju mamma mín! :)

Erum við ekki sætar frænkur???

Ps. Nýjar myndir í albúminu!

Hver man ekki eftir mansjúríu-sveppnum sem tröllreið öllu hérna um árið?
Held þetta æði hafi verið ca. 1994... Ég man að ég fékk afleggjara/barn hjá mömmu hennar Sigrúnar til að gefa mömmu, svo var hann settur í skúringarfötu með vatni í, svo gerjaðist þetta og varð að einhverju te-i, sem var svo sigtað oní 2 lítra gosflöskur og haft inní ísskáp. Og þetta blessaða te átti að bjarga mannkyninu, betri heilsu, fallegri húð og langlífi var lofað!

Og ég man ennþá eftir ógeðisbragðinu af þessum drykk *hrollur*, þetta var ekkert eðlilega vont, en ég held að mamma og amma (sem er reyndar orðin 81 árs) og fleiri kellingar á þeim tíma hafi nú alveg enst í nokkra mánuði..! Ætli það sé einhver ennþá þarna úti sem er að drekka þennan viðbjóðsdrykk? Nei maður spyr sig..

Þetta rifjaðist upp fyrir mér í gærkvöldi, þegar ég var að horfá sjónkann og sjá auglýsingu fyrir nýja bíómynd sem heitir The Manchurian Candidate eða eins og ég myndi vilja kalla hana á íslensku:

Mansjúríski kandídatinn!

Haldiði að ég hafi ekki bara fundið heimasíðu um þetta!!

Vá það er bara allt að gerast hjá grísastelpunni í dag. Ég er búin að hringja og athuga með 3 hluti sem ég er búin að vera að fresta geðveikt lengi... stundum þarf maður bara ærlegt spark í rassgeitið.. sem ég fékk í gær frá góðri vinkonu!

Ég fór meiri að segja niðrí Háskóla Reykjavíkur í hádeginu til að athuga með umsóknareyðublöð, því að ég ætla að sækja um í viðskiptafræði í haust, svona nám með vinnu dæmi. Mjög sniðugt fyrir mig, þar sem ég hef engan veginn efni á að fara í dagskóla og vera á námslánum, þó svo að ég vildi það alveg. En fyrsta árið; það gengi bara ekki upp peningalega séð. Þeas. ef ég ætla að halda áfram að búa eins og "drottning" og aka um á eigin kerru. Og það vil ég ekki missa skal ég segja ykkur, nenni ekki aftur í strætódæmið!

Svo hitti ég Eydísi frænku mína sem er einmitt að klára viðskiptafræðina þarna núna og er í prófum og lokaverkefni.. úff ég fékk alveg sting við tilhugsunina.. en ég held að maður takist bara á við þetta allt þegar maður er í þessu. Mér finnst auðvitað afskaplega gott að vera bara frjáls þegar ég er búin að vinna.. ekki fara að læra heima.. úff. En maður verður nú að reyna að mennta sig kannski eitthvað meira, svona áður en börn og bura taka við..

Annars var ég að horfá ANTM í gærkvöldi og ég var frekar fúl yfir því að Nicole skyldi detta út, mér fannst hún svo æðisleg, allavega miklu betri en glæra afturgangan hún Amanda.. pifff.. alveg fáranleg gella sko! Og ef einhver veit hver vinnur, þá verð ég brjáluð ef þið segið mér það!

Horfði svo á Law and Order SVU, ok.. svertingjar sem vilja ekki kalla sig homma, heldur "down under"... semsagt giftir menn, sem stunda kynlíf með karlmönnum.. talandi um afneitun dauðans! Þetta var alveg hræðilegt, eiginmaðurinn búinn að sofa hjá manni með hiv, smitar svo konuna sína.. ojojoj pant ekki!

Svo er lokakeppni The Swan í kvöld.. úllalla!!!!

Er ekki kominn tími til að tengja? Er ekki komin tími til að tengja, tengja, tengja, tengjaaaaaaaaa?

Nei segi bara svona, er ekki annars kominn tími til að skipta yfir á sumardekk? Ég held það, ég held ég sé að spæna upp malbiki og möl á þessu nöglum mínum.. er komin með samviskubit fyrir hönd gatnanna..

Hvað ætli það taki langan tíma að flétta fléttur í allt hárið
ef það fara bara 3 hár í hverja fléttu?

Ég slysaðist til að horfá Innlit Útlit í gær (ég lýg því, ég horfði viljandi), en allavega fékk þetta litla breytingaræði í hausinn minn. Var bara búin að ákveða að massa baðherbergið, mála flísarnar hvítar og fá mér svona svartan dúk eins og Brynja Nordkvist! En svo núna þegar ég er vöknuð, þá NENNI ég því EKKI... ég sem var svo hörð á þessu í gærkvöldi!

Svona er ég bara í hnotskurn, in a nutshell my friends. Ég ætlaði líka að vakna kl. 6 og fara í pallatíma kl. 6.30, but nooooo.... þegar vekjaraklukkan gjall, þá snúsaði ég til 6.30 og ákvað þá bara að stilla hana kl. 7.15 en snúsaði svo til 7.36... er þetta eðlilegt?

Annars er ég farin að taka eftir því að ég er farin að dreyma sömu draumana aftur, kannski einhverja drauma sem mig dreymdi fyrir mörgum árum, bara í svona endurbættri útgáfum. Þetta er kannski svona eins og með bíómyndirnar og tónlistina, alltaf svona kommbakk!

Ég ætla ekki nánar útí þessa draumfarir mínar, því þá myndu eflaust 2 menn í hvítum sloppum mæta og sækja mig......

Jæja, Solla vinkona hafði rétt fyrir sér.. já ég var með greni sem kennt er við mí!
Langar í nýtt æðakerfi í hausinn minn!

Mikið átti ég nú góða helgi undir rótum Snæfellsjökuls.. ótrúlega góður staður! Fallegt útsýni og brimið geðveikt! Gaman að fara í svona ferð með 30 kellingum á öllum aldri, frá svona 20-65 ára.. geggjað! Fór í hugleiðslur, morgunæfingar, hlátursjóga, dansjóga, slökun og hókípókí og aðra leiki! Snilld! Ég held að ég eigi aldrei eftir að hætta að fíla hókípókí!

Svo var eitt sagt við mig sem fullkomnaði allt, ein konan sagðist vita um gaur fyrir mig þegar ég væri búin í strákafríinu.. og það besta var þegar ég spurði: "Og hvað er hann svo gamall?" Þá sagði hún: "Hann er örugglega aðeins eldri en þú, fæddur '80!" Já alltaf gaman að vera ungleg stúlkukind :)

Annars þurfti helgin að enda með semsagt þessu greni mínu mí, og það náði alveg þangað til í gær! En núna er ég eldhress og ætla í ræktina eftir vinnu og alles!

Ég í spiderman búning að dansa!

Snilld svona dansjóga.. ég á td. mjög erfitt með að dansa edrú.. en svo ef maður byrjar og nær að hætta að pæla í hvað öllum öðrum finnst, þá er það bara gaman. Svo náði ég að losa mig við danshömlurnar og trylltist á gólfinu.. fór kannski ekki að breika en liggur við. Reyndar hef ég oft í gegnum tíðina dansað svona ein heima, en ekki fyrir hádegi í birtu með 30 konum! Alltaf er maður að prófa eitthvað nýtt!

Sko oft þegar ég horfá Innlit Útlit, þá fæ ég breytingaræði heima hjá mér. Þá á að massa allt, mála skápa og hurðar, laga baðherbergið, kaupa nýjan sófa og gardínur og ég veit ekki hvað og hvað.. Það er kannski pínu eðlilegt..

En það sem er kannski ekki eðlilegt er að fá breytingaræði þegar maður horfir á The Swan! Það er allt látið líta út fyrir að vera svo auðvelt.. bara massa nefið og undirhökuna og sjúga fituna úr maganum.. vera í ræktinni í 2 tíma á dag í 3 mánuði og éta salat.. þetta ætla ég líka alltaf að gera þegar ég er búin að horfá þennan þátt. Ég meiri að segja án gríns pantaði tíma hjá lýtalækni um daginn, af því að mig langar að taka nokkra fæðingarbletti úr andlitinu á mér og svo ætlaði ég líka að spurja hann hvað kostaði að láta taka undirhökuna...... úff..

En svo fékk ég bakþanka.. er þetta nú ekki dáldið ýkt? Ég meina, allt í lagi að fara í þetta.. en ef ég þekki mig rétt, þá á ég eftir að vera jójó alla mína tíð og mér skilst að það sé nú ekki fallegt ef maður fitnar eftir að fara í fitusog.. hvað þá að vera með holu á undirhökunni.. allavega þá afpantaði ég tímann hjá lýtalækninum (aðallega vegna þess að ég á ekki pening núna) og ætla að hugsa þetta aðeins betur..

Það er ekki hægt að segja annað en að sjónvarpið hafi áhrif á mann!

Annars er ég að fara í ferðalag yfir helgina.. mikið verður það ljúft að komast útúr öllu bullinu hérna í Reykjavík... og anda að sér sveitasælunni!

Ég var nú að spá að spyrja hana Ásdísi sálfræðing eða Önnu B sálfræðinema um þetta, en er að spá í að varpa þessu bara hérna fram...

Er það eðlilegt eða þráhyggja að geta bara fengið sér hálft af öllu? Ég þekki konu sem fær sér alltaf bara hálft af öllu, td. hálfa brauðsneið, hálfa kexköku, hálft álegg, hálfan kaffibolla, hálfa kökusneið.. er þetta eðlilegt?

Nú ef við ímyndum okkur að þessi hálfa árátta gengi lengra, þá myndi manneskja með þessa hálfu þráhyggju alltaf ganga í hnébuxum, stuttermamagabol, vera í mittisjakka, ökklasokkum, með grifflur og ganga um í sandölum. Keyra um á Fiat Uno, eiga heima í parhúsi, vinna í hálfu starfi og til að toppa það: giftast dvergi!

Your Element Is Fire

Your passion and emotion are as obvious as the brightest flame. You make sparks fly, and your passion always has the potential to burst out. You are exciting and creative - and completely unpredictable. You sometimes exercise control, and sometimes you let yourself go. Friends describe you as sensitive, spirited, and compulsive. Bright and blazing with intensity, you seem mysterious and moody to many.

What's Your Element?

Jæja fólk kannski farið að halda að ég hafi orðið ástfangin á laugardaginn og sé bara hætt að blogga. Komin í sambúð, maður, kona, börn og bíll... onei... krakkar mínir.. þetta var nú bara smá hallæris aprílgabb hjá mér!! mjehehe

Ég fór ekki á neitt deit um helgina.. enda er ég í strákafríi... hætt að deita.. nú er ég bara að bíða eftir manninum sem er verið að smíða handa mér. Hann er ekki tilbúinn.. enda vil ég hann ekki fyrr en hann er orðinn alveg fullkominn.. eða eins fullkominn og hann getur verið fyrir mig!

Hinsvegar er búið að vera alveg brjúlett hérna hjá mér í vinnunni, alveg nóg að gera alltaf um mánaðarmótin, svo fyrir utan vinnu líka brjálað. Fundastand og vesen! En það er samt ekki hægt að kvarta, alltaf gott að hafa nóg að gera. Allavega kvartar maður þegar maður er alltaf heima og ekkert að gera.. já alltaf getur maður kvartað!

Er það bara hjá mér eða hefur það sem liðið er af þessu ári liðið ógeðslega hratt?? Það eru bara að koma jól krakkar mínir áður en maður veit af.. kannski betra að fá sumarið fyrst.. en hvað á maður að gera í sumar? Ohh mikið væri ég til í að fara og flatmaga á sólarströnd í góðum félagsskap! En mig langar líka í verslunarferð í haust og líka í heimsókn til Ásdísar og Eydísar frænku minnar til Árhúsa í haust.. jæja ég læt þetta ráðast!

En talandi um hana Eydísi frænku mína.. þá er sonur hennar orðin sjónvarpsstjarna.. eða hann Valur Snær frændi minn sem er 5 ára er að leika í nýju auglýsingunni frá Umferðarstofu þar sem hann kemur hjólandi á þríhjólinu sínu á leiksskólanum og fer að ibba gogg við stelpurnar.. "drullaðu þér burtu, ertu hálfviti??" .. svo fer hann með pabba sínum´i bílinn og þá heyrist í honum karli föður hans "Drullaðu þér áfram kelling!!!" - Sýnum gott fordæmi!
Algjör snilld!

Ný könnun, gat ekki boðið nýju frænku minni uppá svona ógeðiskönnun eins og var hérna í gær...

Voru ekki allir með lifnapillur í leikjum í den.. þegar maður dó þá sagði maður "minns fékk sér bara lifnapillu" og þá lifnaði maður við!

Annars er ég að fara á deit á morgun við rosa sætan og skemmtilegan strák :)

Góða helgi!