Fór ekki í vinnuna í dag, var hóstandi í alla nótt og er búin að vera eins og tuska hérna í dag. Fór í Bónus í dag til að versla mér eitthvað að borða og svo tók ég mér aðra dvd mynd. Tók sko Spanglish í gær, hún var alveg heví fín og skemmtileg og svo tók ég Melinda and Melinda áðan, sem er Woody Allen mynd. Ég fíla Woody.. einu sinni gerði ég það samt ekki.

Ég væri til í að búa í New York og vera einhver listaspíra og fara í svona dönnuð matarboð þar sem allir eru í brúnum og beige lituðum fötum. Tala og tala og pæla í fullt af hlutum. Ætli þetta sé svona eins og í Woody Allen myndum? Mér finnst líka svo töff alltaf þegar fólkið er að labba í miðri stórborg og svo er það allt í einu komið inní Central Park þar sem allt er grænt og fallegt.. verð að komast þangað. Mig langar samt ekki í svona túristaferð, heldur væri ég til að fara og vera með einhverjum sem býr þarna..

Þegar ég er búin að hanga svona heima hjá mér 2 daga í röð hefur maður mikinn tíma til að hugsa og skipuleggja og spekúlera. Ég er búin að ákveða að ég ætla ekki verða neitt meira veik í vetur, ég ætla í ræktina amk. einu sinni á dag, borða hollan mat, vera alltaf með flott hár og nenna að mála mig, fara á fleiri fundi, heimsækja vini mína oftar, spara pening og verða ógeðslega sæt og mjó og happy...

Alltaf gaman að vera ein með mínum haus...

Hlakka til að fara í vinnuna á morgun og komast aðeins útúr hausnum mínum...

Jæja ég held þetta klukkerí í bloggheimum sé að fara úr böndunum... Magga var að klukka mig með eitthvað svona spurningadót sem tröllreið öllu hérna í e-mailheimum fyrir nokkrum árum.. ég bara sé ekki tilganginn í því að svara hvernig teppi sé á svefnherbergisgólfinu og hvort ég vilji beikon frekar en gulrætur.... ég meina.. þetta eru greinilega spurningar frá síðustu öld!

Sorry Magga mín, ég vona að þú lifir það af að ég ætla ekki að taka þátt í þessum skrípaleik...

Annars finnst mér fyndið hvað hann Pétur var að skrifa í kommenti hérna fyrir neðan: "Annars er gott að þið eruð að taka ykkur pásu frá strákum... þá fæ ég loksins ástæðu sem að ég get slengt framan í menn um hvers vegna þeir geti ekki náð sér í konur. "Já vinur minn, þú getur ekki náð þér í konu því þær eru bara ALLAR búnar að gefast upp á þér. Það er svona að hafa verið of seinn manni... Hérna, fáðu þér tissjú.""

Ja hérna.. við stelpur og strákar erum greinilega á sama stað... spurning um að hann Pétur haldi partí fyrir piparvini sína og mig og piparvinkonur mínar .. hmm.. nei bara pæling!

Annars er mín búin að vera laus við strákaþráhyggju sl. 2 vikur held ég.. ég bara hef ekki meiri orku í þetta og nú ætla ég bara að bíða eftir að minn maður pikki í öxlina á mér og ég þurfi ekki hafa neitt fyrir neinu! .... Yeah right.. en það má reyna!


"This is your best picture to become
Americas next top model!" -Tyra Banks

Ég ákvað að vera heima í dag og reyna að ná þessari kvefpest úr mér.. ég er samt að deyja úr sammara yfir vinnunni, en ég er búin að halda mér bara inni og sofa fullt .. þannig að ég vona að ég geti mætt sprækari í vinnuna á morgun og þá ætlum við fullt af stelpum í vinnunni að fara á Café Oliver í hádeginu að borða.. það er víst einhver karnival stemmning þar í hádeginu þessa dagana, þannig að kannski tekur maður nokkur vel valin dansspor.

Á hverjum degi fæðist lítill Mozart eða lítil Mozartína með kraftaverka píanófingur.. það eru svosem engin tíðindi.. en heyrst hefur að stúlka nokkur sem kennir sig við grís sé byrjuð að leika af mikilli fimi á hljómborð nokkurt í Hafnarfirði, nánar tiltekið efst uppá Ásfjalli.

Jú, mikið rétt, það ku vera ég sjálf. Hann karl faðir minn var nefnilega að fjárfesta í þessu flotta Yamaha hljómborði, því flottasta sunnan heiða, þar sem hann Geirmundur er fyrir norðan! Og það er hægt að fara bara á námskeið í tækinu sjálfu og ég er búin að vera æfa mig á hægri hönd að spila hin ýmsu lög. Þar á meðal Noruh Jones smellin Don't know why og brúðarmarsinn sjálfan. Og stefni ég á að læra brúðarmarsinn alveg og spila hann í mínu eigin brúðkaupi!

En þar sem faðirinn á að leiða brúðina inn gólfið, þá getur verið svoldið vandasamt að spila brúðarmarsinn á meðan við göngum inn kirkjugólfið. En viti menn, ég er búin að ákveða að hanna lítinn pall á hjólum og svo ætla ég að hafa hljómborðið oná honum og ég og pabbi sitjum á pallinum og spilum brúðarmarsinn saman meðan við rúllum inná fjarstýrða pallinum. Og slörið mitt í eftirdragi.. já þarf að hanna einhverja hlífar á aftari dekkin svo að slörið flækist ekki í...

Ég sé þetta alveg fyrir mér og veit að þetta mun vekja mikla lukku og svo þarf ég náttúrulega að þjálfa tilvonandi eiginmanninn líka til að spila eitthvað á leiðinni út úr kirkjunni þegar athöfnin er að klárast. Hildur Björk og Jónsi létu spila Fly on the wings of love á leiðinni út.. þannig að ég get nú ekki haft það lag.. hmmm... Við gætum kannski tekið Skatergirl með Avril Lavine... eða Fatlafól.. það væri snilldin ein!

Og ykkur öllum er boðið, sendi boðskortin síðar!

Haldiði að það sé ekki bara heilt ár liðið síðan mín vaknaði eftir enn eitt tilgangslausa fylleríið og blackoutið, með hálfétið kebab í annarri og kók í hinni í sófanum heima með sjónvarpið í botni! Ójú og aldrei hefði ég trúað því daginn eftir það þegar ég tók ákvörðun um að þessu yrði að linna að það myndi líða heilt ár án þess að ég myndi fá mér sopa af áfengi... ég sem var búin að drekka allmörgu sinnum hálft líf mitt, frá 14 ára - 28 ára aldurs!

Ég hélt að lífið yrði bara búið Kiddi ef maður gæti ekki dottið í það.. en hér sit ég sprellilifandi og hef ekki gert skandal né farið á bömmer útaf því að ég var með óráði í heilt ár!
Aaamen for that my friends! :)

Og svona "í tilefni" af þeim áfanga fór ég með deildinni minni að skoða Vodkaverkssmiðju uppí Borgarnesi á föstudaginn, ég ætla ekki að segja að sú ferð hafi verið auðveld, en hún var helvíti skemmtileg. Ég hef ekki hlegið svona mikið í senn í langan tíma. Það var bara allt fyndið! Og þegar við vorum búnar að borða á Akranesi og fólk orðið misdrukkið, þá var ein komin með míkrafóninn (sem ég hefði pottþétt náð af henni ef ég hefði farið geyst í smökkunina í Borgarnesi) og var að bíða eftir skemmtilegu lagi til að syngja með.. en ekkert lag í íslensku útvarpi kom sem vakti söngraddir okkar.. þangað til að Hvítir mávar voru spilaðir á Útvarp Latibær.. þá lifnuðum við kellingarnar allar við og sungum hástöfum með! Það er nú mikið búið að hlæja að þeim lúðaskap.

En eins og þeir sem mig þekkja, þá fíla ég íslenska músík mikið og þá sérstaklega þessa gömlu slagara frá svona 1970-1995 ca. Það er mitt tímabil í músík.. bæði íslenskri og erlendri.. enda eins og ég hefi oft sagt að þá hefði ég viljað vera grúppía þarna í den, hangandi í rútu með Led Zeppelin eða einhverri álíka hljómsveit og fara á Woodstock! Geggjað!

Ég veit allavega hvert ég ætla þegar ég eignast tímavél í ellinni! :)

uns says:
ég ætla bara að láta karlmenn eiga sig í smá tíma
uns says:
gerist ef það gerist
Anna Sig says:
jamms
Anna Sig says:
sama hér
Anna Sig says:
þessir pungar geta bara veitt okkur
Anna Sig says:
nenni ekki að ganga á eftir einhverjum sem veit ekkert hvað hann vill
Anna Sig says:
komin með uppí kok af því sko
uns says:
já
uns says:
kokið er fullt
uns says:
og eftir er æla
uns says:
og þeir eru bjakk
uns says:
hvað er maður að pæla?
uns says:
takk
Anna Sig says:
atómljóð
uns says:
hehe
uns says:
óður til karlmannsins

- Já krakkar mínir, þetta var örlítiðdæmi um hin daglegu samtöl okkar Unnar á msn um karlmenn..

.. og með því svífum við inni í helgina og látum alla karlpunga afskiptalausa!
Múhahahha!

Jæja núna er nýjasta nýtt í bloggheimum að vera klukkaður.. og Unnur litla lipurtá klukkaði mig og reyndar Guðbjörg Stuðbjörg líka og á ég þá að segja frá 5 useless atriðum um sjálfa mig sem fáir vita.. en þar sem ég er soddan blaðurskjóða veit ég ekki alveg hvað fólk veit ekki um mig... hmm.. but I´ll give it a shot!

1. Ég geymi alla kassa utan af dóti sem ég hef keypt eða fengið, eins og td. utan af skóm, glösum, tækjum og fleiru. Aðalhugsunin er að ef ég flyt þá set ég það aftur í kassann eða að sumir kassar gætu nýst mér þegar ég er að pakka inn gjöfum seinna..

2. Fyrsta útlenska lagið sem ég lærði að syngja með og var ég svona 10 ára eða eitthvað.. var "Hot dogs jumping fast, i love cookies" .. en ég var bara að fatta um daginn að það er "Hotdog, jumping frog, Albuquerque" hahahaha!

3. Ég hef aldrei borðað hor, finnst það viðbjóður og gæti ælt við tilhugsunina.. en hins vegar klíni ég stundum hori í reiknivélarúllupappírinn í vinnunni og hendi strax... ojjj nú hætta allir að tala við mig!

4. Ég þurfti í fyrra að láta taka af mér fæðingarblett af "the holy place" og lá á borðinu þar sem læknirinn þurfti að deyfa mig og svo framkvæma aðgerðina. Þar sem ég var mjög vandræðaleg var hann að reyna að létta mér lífið og sagði þegar hann var að sauma: "Ég nota mjög fínan þráð hér svo það komi ekki ljótt ör" og þá sagði ég: "já svona ef ég skyldi fara í klámbransann" hehe.. og svo rétt eftir að hann var búinn að klára þennan missti ég prump.. sem ég var búin að halda inní mér.. og varð mjög vandræðaleg og sagði: "afsakið" og læknirinn: "ekkert mál".. og hélt svo áfram!

5. Þegar ég var lítil elskaði ég að stimpla og ef ég fór í vinnuna til mömmu var ég óð á stimplinum og þegar mamma var með hússjóðinn, stalst ég í stimpilinn og þegar pabbi var með fyrirtæki stimplaði ég líka með honum og var alltaf að þykjast vinna á skrifstofu eða að skrifa ávísun.. og leyndarmálið er að mér finnst ennþá ógeðslega gaman að stimpla og núna er ég með 3 stimpla sem ég nota daglega og finnst það æði!

Jæja þetta er nóg í bili, og núna á ég að klukka einhverja aðra 5 til að segja frá 5 svona atriðum um sjálf sig og það verða: Sigrún, Ásdís, Lilja, Svala og Pétur! Nú þið! :)

Búin að vera heví kvefuð og með stíbbbbblaðan nebbaling og kinnholur eða einhverjar holur og hausverk og svona derringspirring í öðrum fótleggnum.. svona frá miðjum kálfa uppí læri utanvert.. ógeðslega vont, ég vaknaði alveg 3svar í nótt útaf þessu og þurfti að labba um! Fyrir utan draumana...

Ég held að mamma hennar Auðar Kristínar hafi sett djúp áhrif á sál mína, allavega var ég að dreyma að það hefði verið partí hjá Auði og allt orðið vitlaust og mamma hennar alveg brjáluð og ég var skíthrædd, en einhvern veginn var ég svo blindfull og mundi ekkert og var ekkert viss hvort ég hefði verið þarna. Svo fór ég að hlaupa úti með Þresti sem var með mér í bekk og við vorum að sparka dúkkum um allt Kambasel.. ótrúlegt hvað ég er alltaf þarna í hverfinu í draumaheimi mínum.

En mikið er óþægilegt að dreyma þessa fyllerísdrauma, alltaf einhver bömmer og nývöknuð af djammi sem ég man ekkert eftir og allir brjálaðir og ég með samviskubit. Ekki dreymdi ég svona þegar ég var ennþá í fyllerísbransanum.. sem er að verða komið ár síðan krakkar mínir!

Allavega þá var ég svo skrítin í morgun og mældi mig með eldgömlum ennismæli og það kom smá gult í 38° en ég bara klæddi mig og dreif mig í vinnuna og er búin að drekka 3 kaffibolla í morgun er bara ágæt.. reyndar með nebbakvefið en ekkert svo slöpp!

Og svo er það Americas Next Top Model í kvöld.. úllalla!

Jæja.. viti menn.. engin af óskunum mínum rættust í gær.. issssssssss!

Samt fékk ég dýrindis fisk í dinner í gær með brokkólíf í.. en það reddaði engu eins og Unnur hélt kannski! Kommentametið bara slegið í gær.. 20 komment geri aðrir betur! :)

Ég held ég hafi óverdósað af fiski í gær, fékk steikta ýsu í hádeginu og svo ýsuofnrétt hjá Einari og Lilju í gærkvöldi.. ég hef nú samt bara gott að því! Fór að taka eftir því eftir að ég flutti að heiman á sínum tíma og hætti að borða fisk að þá fór ég að fá oftar munnangur og vesen.. en ef ég fékk mér fisk af og til þá gerðist það ekki! Einhver angurvær bætiefni í sjónum greinilega!

Annars var góð vinkona mín, að segja mér að hún hefði verið á fyrirlestri um brjóstakrabbamein um daginn og þar var einhver kona sem var með kenningu. Þannig var að hún fékk mein í brjóstið og hætti að borða mjólkurvörur og viti menn þetta lagaðist á hálfu ári! Hún vildi meina að það væri eitthvað í mjólkurvörum sem yllu þessum fjanda. Að 1 af hverjum 10 konum á Vesturlöndum fá brjóstakrabba en bara 1 af hverjum 100.000 í Austurlöndum! Og þar borðar fólk eigilega ekkert af mjólkurvörum. En við hérna vesturlandabúar erum í því að þamba mjólk og fá okkur jógurt og skyr-æðið hérna á landi! Þannig að þetta er alveg góð pæling sko!

Enda finnst mér ég alltaf vera að heyra meira um fólk með mjólkuróþol.. aldrei heyrði ég um þetta í den.. kannski var ég ekkert að spá í því en það máttu alltaf allir drekka mjólk. En núna eru alltaf krakkar og fullorðnir inná milli sem eru að sleppa henni!

Muuuuuuu hef ekki meir að segja!

Er mjög óeðlilegt að langa að vera einhver annar en maður er?
Ég er þannig í dag, með einhvern mánudagsblús! Enda búin að vera eitthvað mellon-collie undanfarið.. mig vantar eitthvað í lífið, en ég veit ekkert hvað það er? Þetta er mjög erfið tilfinning að útskýra en það er eitthvað tóm í mér..

Ég væri til í að vera kærastan hans James Blunt í dag..
Ég væri til í að vera nýbökuð móðir í dag..
Ég væri til í að vera í sólarlöndum í dag..
Ég væri til í að vera mjó í dag..
Ég væri til í að vera hamingjusöm í dag..
Ég væri til í að vera elskuð kærasta í dag..
Ég væri til í að fara í ferðalag í dag..
Ég væri til í að vera einhver önnur í dag..

..en í staðinn er ég bara sama gamla ég ég ég og þarf bara að sætta mig við það!

Vona að ég verði hressari á morgun!

Hinn kynþokkafulli James Blunt!

Ég er búin að heyra þessi lög hans Beautiful og Wisemen spiluð í gríð og erg á Bylgjunni í vinnunni og var nánast komin með ógeð á þeim.. en svo í gærkvöldi þegar ég var að fara að slökkva á sjónvarpinu kom myndbandið Beautiful með honum og ég féll í stafi!

Ég hafði aldrei séð framan í þennan mann sem söng þetta lag og váááá hann er bara fallegur og sexy ég verð nú bara að segja það, fékk líka alveg nett sjokk þegar hann stökk í sjóinn í lokin á myndbandinu!

Nú verð ég liggjandi á netinu að finna myndir og allt um hann.. langar að heyra fleiri lög með honum James mínum.

Hann er nýja goðið!

Ég er búin að finna jólakjólinn í ár!

R.I.P. Guttormur kallinn!

Auður Aþena ætlaði einmitt að dóneita snuddurnar sínar til hans á 3ja ára afmælinu sínu..
_______________________

Einu sinni fannst mér svo fyndið þegar mamma var að segja mér frá einhverjum piparsveinaíbúðum og ég spurði hvað væri eigilega piparsveinn?! Þá sagði mamma mér að það væru karlmenn um þrítugt sem ættu ekki konur og byggju einir.. mér fannst það mjög skrítið, enda bara 10-12 ára og hélt að allir væru giftir um þann aldur!

Og einhvern veginn virðast strákar vera alveg sáttir við að vera kallaðir piparsveinar, hef ég lent oftar en einu sinní því að vera komin á heimili slíks sveins og þeir hafa sagt "velkomin í piparsveinaíbúðina mína!" voðalega stoltir!

En einhvern veginn finnst manni skrítið að kalla sig piparmey og ég myndi aldrei segja "velkomin í piparmeyjuíbúðina mína" en ég er samt piparmey.. mér finnst það helvíti ömurlegt en ég verð bara að bíta í það súra epli og bjóða ykkur velkomin á Piparmeyjubloggið mitt!

Góða helgi!

Ég fór ekki í vinnuna í dag, skammast mín mikið.. en ég bara vaknaði með mígreni dauðans og gat ekki hugsað mér að fara þannig til vinnu. Og svo vaknaði ég kl 14.00 áðan og var ennþá með hausverkinn.. fór útí búð og keypti mér eitthvað að borða og hélt ég myndi þá skána, en nei þetta er ennþá. Allt þessari mánaðarlegu konuveiki að kenna, og alltaf verð ég jafn hissa. Ég virðist alltaf gleyma að ég fái túrgreni daginn eftir að ég byrja, alveg magnað!

En ég ætla að reyna að losna við þetta núna, svo ég geti mætt spræk til vinnu á morgun!

Annars er orðið rosaflott hérna heima hjá mér núna, er búin að fá allar nýju mublurnar frá m&p, 2 skápa og nýtt sjónvarpsborð, myndi sýna mynd af þessu en ég þori því ekki, því þá væri voðinn vís.. þjófarnir gætu viljað ræna öllu dýru græjunum mínum, 10 ára gamalt sjónvarp, 10 þús kr. dvdspilara og litlum Sharp-græjum frá '98 hehehe :) Eina sem mig vantar núna er eitthvað cool á vegginn fyrir ofan sjónvarpið, eitthvað litríkt.. jafnvel eitthvað bleikt! :)

Horfði á Americas Next Top Model í gærkvöldi og djíí get ekki beðið eftir að sjá næsta þátt, eitthvað rosaspennandi, það hefur örugglega liðið yfir einhverja gelluna eða eitthvað.. en annars get ég spurt Lilju mágkonu um það þar sem hún er búin að sjá alla seríuna.. reyndar á ég það inni hjá henni að fá að vita hver vann og eitthvað í óspurðum fréttum! Þar sem ég kjaftaði í hana og Einar bróðir óvart hver vann ameríska idolið seinast og sagði þeim eitthvað skúbb úr kanadíska idolinu áður en þau voru búin að horfa... ég er algjör! Annnnaaaa þóóó!

Jæja pant vera besta vinkona hans Geira á Maxims núna.. sáuði bílinn??? Ef bíl má kalla, frekar lúxus skemmtistaður á hjólum! Píurnar hans hljóta að vera í skýjunum að fá far í svona hummer-limmu! Þetta var semsagt í Innlit Útlit fyrir þá sem misstu af! :)

Annars langar mig að segja frá því að mér tókst að vakna kl. 7.40 í morgun og ákvað þá að drífa mig í ræktina. Og ég var búin að ákveða að prófa að fara í World Class útibúið hérna í Orkuhúsinu.. sem og ég gerði. Nema hvað að þegar ég legg þarna vinstra megin við það þá var ég viss um að ég væri á réttum stað. Sá líka mann koma útúr bílnum sínum með joggingtösku og ákvað að elta hann. En þegar ég kem fyrir horn þarna er hann horfinn.

Þannig að ég labba upp stiga og ætlaði niður ramp sem ég hélt að væri inngangurinn á þessari stöð, neinei lendi þá bara uppá grasþaki og þar niðri en tjörn og risagluggar með mötuneyti fyrir innan. Labba aftur niður og sé bara starfsmannainngang. Labba þá niður fyrir húsið, ekkert þar, fer þá upp stiga hinum megin við það og labba fram hjá annarri renniglerhurð og áfram upp þar og þá var ég komin næstum því hringinn og aldrei ætlaði ég að finna þetta. En þegar ég sný við og labba niður þá sé ég pínulítið World Class skilti við hliðina á renniglerhurðinni sem ég labbaði fram hjá.. viljiði ekki bara hafa FRÍMERKI sem skilti???

Kemst inn með auganu.. hehe semsagt augnskanni.. og ég kem inná svona forstofugang og þar er karla og kvenna hurð, 2 skópör fyrir utan karla og engir skór fyrir utan kvenna. Hmm.. fór samt inn í kvenna og það er bara eins og draugabæli! Fullt af skápum, enginn lokaður og læstur. Allt kveikt og allt nýtt og flott þarna.. Ég fór og fann hurðina inní salinn, setti eyrað uppað og heyrði að það var eitthvað í gangi þarna fyrir innan. Skipti um föt og fæ valkvíða við að finna mér perfectan skáp nr. 33.

Fer svo inní salinn og viti menn það eru 3 karlmenn að æfa og einn þjálfari á staðnum! Ja hérna.. what a waste of good space! Alveg 4 hlaupabretti, 3 skíðatæki, 2 hjól og 1 tröpputæki en svo eitt af öllu svona lyftingatækjum og 3 sjónvörp. En ég var komin á staðinn og ég skyldi æfa. Þótt að klukkan væri orðin rúmlega 8 eftir tímann sem fór í leitina að innganginum. Ekki sagði þjálfarinn, eini starfsmaðurinn á svæðinu góðan daginn.

Tók 30 mín. á skíðatækinu og hlustaði á Kiss fm.. það var það skársta í boði.. eina með tónlist. Og ég er að segja að ég verð ansi sveitt eftir 30 mín á þessu og dáldið móð. Þegar ég var búin og tók af mér earphones-in þá fékk ég sjokk. Þvílík þögn þarna.. ég hef örugglega verið að anda og mæða eins og hvalur þarna..

Teygi svo og fer inní klefa, þá eru 4 kvensur þar að klæða sig.. þá hafði verið einhver jógatími þarna.. og týpískt að skápurinn minn var beint undir skáp sem ein kellan var í.. týpískt - en hún kom samt á eftir mér. Svo voru allar farnar nema ég og þessi kona og hún var þessi týpa sem verður að segja eitthvað, getur ekki bara verið í friði í þögninni. Spyr; "kemur þú hingað 2-3svar í viku og svona?" ég bara.. "ehh nei var bara að koma í fyrsta skipti..." Og svo fór hún eitthvað að tauta við mig.. var samt alveg almennileg.. en ég hef aldrei náð uppí svona kurteisisamtöl við fólk sem maður þekkir ekkert og á líklega aldrei eftir að sjá aftur!

En já, ég er allavega stolt af mér fyrir að hafa farið í ræktina loksins fyrir vinnu og stefni á að fara aftur í fyrramálið, í draugabælið! Mér finnst bara svo fáranlegt að vera að keyra niðrí Laugar og svo aftur uppeftir í Árbæinn strax aftur..

Já það er spurning ?!?!

Ég er skráð á nokkrum póstlistum, þar á meðal Plúsnum og Fimmunni og það gengur útá að svara einhverjum markaðsspurningum eða bjóða manni drasl á tilboði og maður getur unnið eitthvað fyrir að svara. Plúsinn segir að vinningshafinn fái 20 þús og hjá Fimmunni getur maður unnið skitinn bíómiða.. ég veit nú ekki hvað ég er oft búin að svara póstunum frá þeim og aldrei fæ ég neitt og enginn sem ég þekki sem er í þessu. Ég held að nöfn vinningshafa séu bara skálduð... líka þarna á Egó bensínstöðvunum, þar getur maður unnið stundum bíómiða og ég hef farið þangað að taka bensín.. but no fæ aldrei neitt! Enda er ég búin að sækja um Orkukort og þá fæ ég allavega 2 kr í afslátt af bensíninu held ég... Nenni ekki svona rugli lengur!

Svo duttu af mér allar dauðar lýs áðan, því það kom svona Plús-mail og verið að bjóða manni að kaupa eitthvað fitumælingatæki á 2.490 kr. Sko ég vil nú ekki einu sinni eiga vigt því þá fer ég í þvílíkar þráhyggjur.. hvað þá að eiga fitumælingatæki! Það er ekki sniðugt fyrir mig að eiga held ég, enda sagði ég Nei takk!

Annars var ég loksins að horfá Napoleon Dynamite í gærkvöldi og það er sama sagan, alltaf þegar maður er búinn að heyra að einhver mynd sé æðisleg og frábær þá verður maður fyrir vonbrigðum. Mér fannst þetta mynd eiga sína punkta en vera aðeins of commercial til að vera cool! Mér fannst dansinn og moonbootsin hans langfyndnast og þegar bróðir hans breyttist í hómí!

Ætlaði í ræktina í morgun, en gat ekki vaknað.. geri aðra tilraun í fyrramálið!

Jæja ég lifði óvissuferðina af og gott betur; þetta var bara þrælgaman!
Byrjaði á að mæta niðrí vinnuna kl 14.45, þar beið rúta eftir mannskapnum sem fékk allur kúrekahatta og Tuborg bjór fyrir þá sem vildu, semsagt allir nema ég! Og svo var lagt af stað rúmlega 15 og þá var lagt af stað í óvissuna!! úúúúú

Og endaði rútuferðin góða uppí Íshestum í Hafnarfirði! Þar var boðið uppá reiðtúr eða göngutúr og hestamanneskjan ég eða þannig valdi auðvitað göngutúrinn, þegar ég las á einhverju blaði sem maður átti að skrifa undir ef maður ætlaði á bak að það væri bannað að öskra! Og þar sem ég öskra þegar hrafn flýgur framhjá mér í kílómetrafjarlægð eða ef kettlingur stekkur á mig.. þá fannst mér ekki sniðug hugmynd af fara á hestbak. Þannig að ég endaði í alveg fínum göngutúr!

Svo þegar við komum til baka eftir að hafa villst aðeins í skóginum þarna, þá lentum við í línudanskennslu.. það var bara rosa gaman og ég væri sko alveg til í að fara að læra og æfa línudansa ef það væri ekki bara gamalt lið úr Fellunum í kúrekaskyrtum að dansa þetta!
Svo var smá bjórpása og þá var skeifukastskeppni útí hesthúsi.. rosa fjör!

Því næst var beðið eftir matnum sem voru grilluð kjúklingalæri og grísarif, og 3 tegundir af káli, kartöflur og hvítlaukssmjörsósa! Alveg fínn matur sko og svo var bara meira að drekka og skálað og skrafað og ég var að reyna að pikka upp slúður um nýju starfsfélagana! :) Og svo svona rétt áður en ég fór voru nokkrir kúrekar farnir að rifja upp línudansinn frá því fyrr um daginn og guð má vita hvernig þetta endaði hjá þeim.

En hvernig endaði kvöldið hjá mér? Jú ég var dregin í málningarvinnu frá kl. 21-00.30, já krakkar mínir! Bróðir minn og mágkona mín drógu mig heim til sín að fara að hjálpa þeim að mála og var það bara alveg gaman!

Í lokin verð ég að sveia yfir einu.. ný dvd í Bónusvideo Hraunbæ kostar 550 kall en í Skalla 300 kall! Þvílíkt okur.. að þeir skulu dirfast að kenna sig við bónus...

Ég er að fara í óvissuferð eftir hálftíma.. er pínu stressuð!
Læt vita hvað gerist síðar!

Fór í bíó í kvöld á Broken Flowers, hún er mjög fín og mjög öðruvísi, held að fólk sem fíli ekki öðruvísi myndir muni ekki beint fíla hana en ég gerði það samt! Gaman að skella sér í bíó, ég veit ekki hvenær ég fór síðast eigilega.. á War of the Worlds held ég bara.. og vá það var örugglega í júní!

Takið eftir því ef þið farið á Broken Flowers að Bill Murray er nánast ekki með varir greyið.. mér finnst það ekki flott, ég vil karlmenn með varir.. ekki alltof stórar samt en samt dáldið og kyssilegar.. en hver veit hvenær maður verður næst karlmanns aðnjótandi varalega séð! Ég er alveg að gefast uppá þessu.. það á ekki að mér að ganga í karlamálunum..... en ég ætla ekkert í klaustur sko, þótt það sé örugglega til verri hlutir en það! Ég er búin með nunnupartinn sko, var víst nunna í fyrra lífi á eyjunni Capri við Ítalíu!

Þórunn Maggý spámiðill sagði mér það um vorið 1999 þegar ég fór til hennar.. annars er mig farið að langa rosalega að fara til miðils eða spákonu og vita eitthvað. Langar að vita hvort ég muni ganga út.. afhverju segir maður að "ganga út" ? Allavega hvort ég muni finni hinn eina rétta ef það er til eitthvað sem kallast hinn eini rétti!

Jæja ég ætti ekki að vera að blogga svona seint á kvöldin, þegar ég er ein og einmana heima hjá mér á leiðinni í rúmið.. þá veltur kannski eitthvað pathetic uppúr manni! Ég var bara að standa í einu í dag.. segja hingað og ekki lengra við strák sem ég var búin að vera í bandi við.. búin að gefa honum alltof marga sénsa miðað við lesninguna í bókinni góðu He's not that into you! Ég held ég þurfi að lesa hana aftur!

En allavega þá er ég ekki alveg eins súr og ég hljóma.. ekki hafa áhyggjur af mér.. en ef þið vitið um góða miðla eða spákonur endilega látið mig vita hérna í kommentunum, ég er alvarlega að spá í að splæsa eins og einum 5 þúsara í einn slíkan!

Þið verðið að kíkja á eftirfarandi linka og hafa kveikt á hátölurunum!

Bördí

Greyið Michael

Jæja ég verð nú aðeins að misnota aðstöðu mína hérna í nýju vinnunni, því ég verð að segja ykkur dáldið fyndið! Þið getið aldrei getað uppá því hvað áfengisverslun Færeyja heitir.. ég var að sjá það núna og það er bara fyndið: Rúsdrekkasöla Landsins!!!

Færeyska er snilldar tungumál.. og það fyndna er að þeim finnst íslenskan alveg jafn fyndin og okkur þykir færeyskan! Þannig að ég held að málið sé að skreppa til Færeyja með digital myndavél í einni og skrifblokk í hinni! Það væri örugglega frekar gaman!

Svo verð ég að segja líka eitt fyndið, nýji vinnustaðurinn skiptist í 2 tengd hús, nýtt og gamalt og ég er í gamla hlutanum. Og hérna eru svona dökkar viðarinnréttingar og drapplitaðir veggir. Og svo á einum ganginum eru svona 70's appelsínugulir stórir ferningar og hringir inní dökkum viðarrömmum á veggjunum og svo er stigahandriðið niður appelsínugult. Og ég var að segja við eina hérna: "þetta er alveg greinilega upprunalegt allt hérna ennþá!" - Neinei þá sprakk hún úr hlátri og sagði að Frikki Weizz hefði hannað þetta allt hérna fyrir 2-3 árum!! Djíss.. þetta er ekkert smá haddló! Allavega fíla ég ekki brúnt og appelsínugult saman!

Annars var ég að fá nýjar mublur heim, foreldrar mínir voru að endurhanna sjónvarpshornið heima hjá sér, enda kominn tími til (eða þannig) alveg 2-3 ár síðan þau keyptu þetta! Þannig að ég er komin með 2 gráa/silfur skápa með svona sandblásnum glerhurðum fyrir græjurnar og dvd og cd diskana og svo eiga m&p eftir að skutla sjónvarpshillunni heim og þá verður þetta heví flott! Já maður er alltaf að græða! Annars langar mig bara núna í einhvern kósí og mjúkan hornsófa eða tungusófa!

Magga Linda sendi mér þennan snilldar sprellara í dag!

Jæja best að fara að skrifa eitthvað hérna.. ég er búin að vera eitthvað svo annars hugar en að fara að skrifa eitthvað á bloggið mitt undanfarið, samt veit ég eigilega ekkert hvað annað ég hef haft að gera! Jú á föstudaginn bauð ég stórfjölskyldunni í mat og osta.. já þau fengu að gæða sér með mér á kveðjugjöfinni frá gömlu vinnunni, og runnu þeir ljúflega niður! Auður Aþena gisti líka hjá mér og við vorum á flandri allan laugardaginn saman... voða gaman, sem endaði með því að við fórum í afmæli til frænku okkar sem varð 12 ára.

Í lok afmælisveislunnar komst ég að því að 12 ára krakkar hafa ekki þroska til að vera á msn eða öðru nettjatti. Ein af vinkonunum hafði rokið heim í fýlu útaf einhverju og var svo mætt á msn að hóta afmælisbarninu einhverju og hún var alveg niðurbrotin og þvílíkt drama. Svo sættust þær og hin vinkonan ætlaði með í bíó eða eitthvað.

Sko þegar ég var 12 ára var nógu mikið drama í kringum "spillinga" málin í vinkonugeiranum og allt það og fór það fram bæði live og kannski í símum, heimasímum auðvitað! Ég hefði bara aldrei höndlað að geta falið mig bakvið tölvuskjá eða sms þegar ég var á þessum aldri.. það voðalega auðvelt að vera sniðugur í svörum í svoleiðis aðstæðum.. Æji mér finnst þetta leiðinleg þróun..

Enda ætla ég að nefna þessa öld einangrunaröldina.. þori að veðja eftir svona 50 ár verði fólk hætt að hittast og tala saman. Allt á netinu, pantar matinn og allt sem þú þarft þar, kynnist makanum þínum þar og já getur alveg bara einangrað þig frá öllu sem heitir að hitta fólk!

Hahaha ég er að horfá Kastljósið endurtekið og Gunnar Birgisson og læknirinn þarna þingmaðurinn Ólafur F. Magnússon... og ég hef alltaf haldið að sá væri frekar stór maður en hann er bara eins og dvelli við hliðina á Gunnari, hausinn á honum kæmist léttilega inn um aðra nösina á þokulúðrinum honum Gunnari.. þetta er alveg mögnuð rödd! Hvernig er hægt að vera með svona hólkarödd! Æji kallgreyið.. ekki eins og hann hafi valið sér hana í Raddkaup!

Rakst á þessa mynd af tilviljun inná google! LoL

Jæja eflaust nokkrir spenntir að vita hvernig fyrsti dagurinn minn í nýju vinnunni var hjá mér!
En já hann var bara mjög fínn og ég fíla mig bara vel þarna held ég. Alltaf fyndið þegar það er verið að kynna mann fyrir öllum.. maður verður alveg ringlaður.. veit ekki hvað neinn heitir eða gerir þegar maður er búinn með rúntinn! En það síast fljótt inní hausinn .. vona ég!

Byrjaði á því að fara á innheimtufund með deildinni minni, ég var nú soldið utangátta en reyndi að fylgjast með eins og ég gat. Rosaflott fundarherbergi með öllum græjum! Svo fór ég að kíkja á vinnuaðstöðuna mína og skoða tölvuna mína og er með flatskjá sem er framför og búið að setja upp nýtt e-mail og allt tilbúið fyrir mig.. mér fannst það æði! Svo eru geðveikt flottir pennar í boði.. já ég er office geek! Svo deili ég skrifstofu með einni konu sem er 37 ára og er bara mjög fín svona við fyrstu kynni.

Svo fékk ég mér að borða í hádeginu, helvíti góðan lax með hollu meðlæti, það er semsagt lögð áhersla á hollan mat í mötuneytinu.. sem er snilld! Og ég fékk mér Pepsi Max með matnum, of course.. ég varð! Svo þegar við vorum búnar í mat þá var ég að læra að prenta yfirlit og senda út og svona.. þetta er aðeins öðruvísi en þar sem ég var en ég held ég ætti nú alveg að ná þessu, þar sem ég er svo vel gefin!

Fékk mér svo Kristal! hahaha.. ég meina... það eru allir að drekka eitthvað þarna.. kannski ekki eitthvað áfengt, ég varð allavega ekki vör við það!

En svona á heildina litið líst mér bara vel á þetta og held ég ætti að geta plumað mig ágætlega þarna! This is a new beginning!!

Vó Jennifer Tilly er hjá Jay Leno, hún er engin smá orkusuga greyið.......