Hvernig ætli það sé.. ef maður myndi blanda einni teskeið af Cillit Bang fituhreinsi útí hálfan líter af vatni og fá sér eitt glas á dag, myndi maður mjókka? Ég meina auglýsingin segir að þetta efni leysi öll önnur fituvandamál.. þannig að maður spyr sig !?! Dííjók ég er nú ekki svona heimsk.. en mér finnst þessi auglýsing bjánaleg.. sé í anda að svona svart grill verði silfurlitað með einu tuskutaki.......

Ég ætla í míní-dekur á morgun.. hlakka mikið til, ætla nebblega að fara í augnbrúnavax og litun.. víííí.. ég er búin að vera að safna broddum núna og líður ekki beint vel.. líður eins og Fridu Kahlo nema að ég er reyndar ekki með uni-brow.. ég myndi þokkalega láta vaxa á milli mjög reglulega ef svo væri..

Þegar snjórinn er svona úti fer maður ósjálfrátt að hugsa um blessuð jólin sem eru framundan og miðað við hvað tíminn líður hratt þá verður komið að þeim áður en maður veit af. Og áðan fór ég að spá hvað ég ætti að gefa í jólagjafir.. en ég komst ekki að neinni niðurstöðu... ég er að spá í að eiga fyrst afmæli... síðasta tuttuguogeitthvað afmælið mitt.. best að njóta þess árs til fulls bara :)

Já og meðan ég man.. varðandi handklæðiskönnunina.. hvaða pjatt er það að nota handklæðið bara einu sinni??? Pant ekki sjá um þvottinn á svoleiðis heimili!! Og erum við ekki hrein þegar við komum úr sturtu? En annars er mér sama hvað aðrir gera... langaði bara að tékka á þessu, ég heyrði nefnilega um 5 manna fjölskyldu sem allir fóru í sturtu einu sinni á dag og tóku alltaf hreint handklæði.. enda held ég að húsmóðirin hafi bara búið í þvottaherberginu...

Hahahah ég var að skoða Baggalút.is .. ég fíla þennan húmor í tætlur.. ætla að taka mér bessaleyfi og peista nokkrar auglýsingar frá þeim:

Átfíklar
vorum að taka upp glænýja sendingu
af uppsölupokum. Þrjár stærðir:
XXL - XXXL og MONGO.
Seglagerðin Ægir

Til sölu!
Tveggja daga, íbitin samloka
með roastbeef. Umbúðir geta fylgt. A.v.á.

Stofnfundur
Félags einstæðra einstæðinga verður
haldinn heima hjá mér á föstudaginn.
Allir í heiminum velkomnir.
Anna Sig.

Þegar ég verð stór langar mig að verða eins og Charlize Theron!
Verst að hún er bara ári eldri en ég en mér finnst hún svo flott.. hún var hjá Jay Leno í gærkvöldi.. ótrúlega falleg kona.. eins og hún gerði sig ófrýnilega í kvikmyndinni Monster!

Ég hef ekkert mikið að segja, nema að ég er orðin download sjúk, er búin að klára Americas Next Top Model seríuna, er að ná í meira The 4400 og The L Word seríu 2, búin að sjá þátt númer 5 í nýju Lost seríunni og er að horfá snilldarmyndina Gummo í smápörtum...

My life is in da computahh my friend!

Það eru ótrúlega margir sem skrifa vitlaust á Íslandi.. ok, þeir sem eru les- og/eða skrifblindir fá séns en sumir eru bara letingjar! Fullt af liði sem nennir ekki að gera kommur yfir stafi og bara hreinlega nennir ekki að skrifa rétta íslensku.. alveg magnað!

Ég fékk kortersnudd hérna í vinnunni í morgun og nei það var ekki kynþokkafullur karlkyns samstarfsmaður sem fékk brýna þörf fyrir því að nudda mig heldur er svokölluð heilsuvika hérna og allskonar hlutir í boði. Ég er td að fara til næringarfræðings á morgun og svo var hómópati hérna í dag.. ég fór nú ekki til hans því ég veit ekkert hvað þessir hómóar gera.. gáfu einni einhverja remedíu.. hmm sem minnir mig bara á lagið með Prodigy.. I got the poision I got the remedy!!!!

Annars ætla ég að fara í höfuðbeina og spjaldhryggsdæmi eitthvað, fá einhverja remedíu.. reyna að láta laga aðeins vöðvabólguna, mígrenið og hárlosið.. ekki veitir af áður en ég verð eins og Ingibjörg Sólrún um hárið, ef ég er ekki orðin þannig nú þegar!

Áfram stelpur - höfum hátt!

Já ég labbaði útúr vinnunni kl 14.08 í gær og brunaði niðrá Miklubraut að hitta hana Lilju og dætur og mömmu hennar Lilju og systur.. Og svo löbbuðum við að Skólavörðuholti. Það er alveg ólýsanleg tilfinning sem þyrmdi yfir mig eins og gelgjuþrymill þegar við vorum að labba yfir Klambratúnið og það streymdu konur úr öllum áttum, allar að stefna á sama stað. Þetta var svona eins og í einhverri bíómynd.. alveg magnað!

Svo fórum við inní þvöguna og löbbuðum niður Skólavörðustíginn og kölluðum með öllum hinum, "Áfram stelpur.. dududuruddu" og "Áfram stelpur höfum hátt !!" En svo þegar við komum að Lækjartorgi sem var stappað alveg inná Ingólfstorg þá létum við okkur hverfa og hinn bakveiki bróðir minn kom og selflutti okkur heim.. en þetta var alveg ótrúlega skemmtilegt, þrátt fyrir að ég hafi ekki heyrt neinar ræður eða neitt.. En sjáum svo til hvort þetta muni hafi nokkur áhrif frekar en sl. 30 ár!

Ég lenti í nágrannaslúðri á leiðinni upp áðan, þá voru 2 konur frammi á gangi að tala um ruslalykilinn, því hann er ekki búinn að fara uppá 3. hæð heillengi og við erum alltaf með hann.. samt skrítið að óþolandi nöldurkellan á efstu hæðinni sé ekkert búin að biðja um hann, þar sem hún getur endalaust tuðað um þessa ruslaviku þegar maður hittir hana frammi á gangi... og eina sem ég bið um er að vera ekki með vikuna á undan henni, því hún myndi taka mann í bakaríið ef að maður væri ekki búinn að moka stéttina, tína ruslið í garðinum og allt það sem hún tuðar um!

Svo er nýtt fólk flutt í eina íbúðina sem er alveg snargeggjað.. brjálast yfir því að það var óvart tekið eitt sokkapar sem þau áttu á snúrunni niðrí þvottaherbergi og trylltust yfir einu guðsvoluðu partíi sem 2 bræður héldu í sumar með leyfi foreldranna.. og þau voru byrjuð að fara yfir og kvarta kl 22 .. (aðeins of snemmt að mínu mati) og svo um 22.30 þá var opið inn og kallinn fór bara inní íbúðina og slökkti á græjunum.. svo á síðasta húsfundi þá hótuðu þau að hringja í lögregluna ef þetta gerðist aftur og mamma strákanna trylltist og sagðist hringja sjálf í lögguna ef hún vissi að þau væru að fara inn til sín í leyfisleysi! Mér leið nú ekkert sérstaklega vel að sitja á milli þeirra þá...

En annars er mjög gott að búa hérna og aldrei neitt vesen! :)

Jæja við mæðgur komum heim seint í gærkvöldi eftir vel heppnaða ferð. Ég ætla að reyna að stikla á stóru í ferðasögunni!

Komum út um hálf níu á fimmtudagskvöldið og Stína systir hennar mömmu kom og tók á móti okkur á vellinum. Svo brunuðum við heim til þeirra, sem er svona klukkutíma akstur, þau búa í ponsubæ sem heitir Postcombe og er í Oxfordshire! Þá var Des maðurinn hennar heima og tók vel á móti okkur og við fengum kvöldsnarl.

Svo á föstudagsmorguninn skutlaði Des mér og mömmu til Uxbridge þar sem buddurnar okkar fengu að léttast eilítið. Þar vorum við skundandi á milli verslana í verslunarmiðstöð sem er ekki ólík Smáralind.. nema verðið er aðeins hóflegra. Svo um hálfsex þegar hendurnar á okkur náðu u.þ.b. niðrað hnjám útaf pokaburði þá kom Stína og sótti okkur.

Þá hafði Sascha frænka mín boðið mér að koma með henni og Marcus manninum hennar og Scott frænda mínum að borða á sveitakrá í næsta bæ, sem og við fórum svo um kl 20. Þar fékk ég ljúffenga steik og tók þátt í enskum samræðum.. voða gaman.

Svo á laugardeginum þá skutluðumst við í næsta bæ og skoða búðina sem Sascha frænka mín á, sem er verslun með föt fyrir óléttarkonur og gjafahaldarar og svona.. rosa flott! Síðan fórum við í "ódýru búðina" eða Asda sem er eitthvað breskt afsprengi af Walmart keðjunni. Þar misstum við mamma okkur í stelpufötum og versluðum alveg fullt. Ég fann mér flottan rauðan bol þar sem kostaði heil 3 pund, en á honum stendur: "If you're rich, I´m single!" hehehe.. ég veit nú ekki hvort ég muni þora að vera í honum.......

Svo hittum við ömmu og Stínu frænku á kaffistofu þar frammi og ég verð að gera góðfúslegt grín að henni móður minni, sem talar stundum soldið skrítið þegar hún er upptjúnuð og hún minnti mig á stórborgarann í Iceland Express auglýsingunum en hún spurði mig; "hvað ég vildi hafa að borða?" hehehe eins og "What would you like to have to eat?" .. mín bara komin með bresk orðatök eftir 2 daga dvöl hehehehe :) Mamma ég veit þú getur hlegið að þessu!

Svo kíktum við aftur aðeins heim í kaffi og fórum svo aftur út og skoðuðum annan bæ sem heitir Thame, löbbuðum þar um og skoðuðum í búðir. Svo um kvöldið chilluðum við heima og fengum ljúffengan lacccssshhh að borða.

Á sunnudaginn leyfði ég mér að sofa til 11.30 og fór svo niður og fékk mér ristað brauð með osti og marmelaði og kaffi með mjólk.. mm.. rosagott.. mér finnst voða gott allt í einu að drekka kaffi með svona brauði með áleggi! En svo stakk mamma uppá að við kíktum við í bíltúr til Oxford á meðan ein önnur steik var að eldast í ofninum.. það var rosagaman að labba þar um og skoða gamlar byggingar.

Og svo var farið heim að snæða breskt lambalæri (og amma þurfti auðvitað að fara með frasann um að íslenska lambakjötið sé alltaf best) með stórfamilíunni og Scott frændi kom aftur. Og auðvitað Rufus frændi sem verður 2 ára í febrúar og er einn sætasti strákur í heimi og það munu koma myndir af honum síðar! Og svo keyrðu amma og Stína okkur á flugvöllinn um kvöldið.. en amma varð eftir úti og kemur eftir 3 vikur!

Í heildina mjög skemmtileg ferð og fljót að líða, gerðum fullt skemmtilegt þótt að mig langaði að fara niður í downtown London en það verður bara að bíða betri tíma. Mig langar rosalega að fara aftur og vera þá í viku allavega úti og dóla mér í London og heimsækja Stínu og þau! Myndir koma í vikunni, ég gleymdi nefnilega myndavélinni heima hjá m&p áðan!

Annars fór ég í kvennagönguna í dag, rosagaman!

Jæja.. í dag er ferðinni heitið til Lundúna.. það verður gaman.. það er kominn nettur fiðringur í stelpuna.. já grísastelpuna sagði ég! Ég fékk ferðatösku lánaða hjá m&p í gærkvöldi, soldið stór .. hún verður nú bara hálf tóm á leiðinni út.. en hver veit nema að það verði meira í henni á leiðinni heim! Ég er nú samt með smá áhyggjur hvernig við ætlum að komast þrjár í bílinn plús 4 ferðatöskur og fluffutaskan hennar mömmu! En annars eru þessir Yarisar ótrúlegir.. við vorum nú einu sinni fjögur í honum plús gasgrill í kassa!

Annars verð ég að minnast á eitt það klígjulegasta lag sem er í gangi um þessar mundir og já, það var rétt, það er nýja lagið með henni Svölu Björgvins.. oh my gad!! Ætlar hún ekki að læra af mistökunum greyið.. mér finnst þetta orðið dulítið pínlegt sko. Ég heyrði viðtal við hana fyrr í haust og þá var hún að segja að nýja platan yrði ekki eins og þessi gamla sem floppaði.. en viti menn.. mér heyrist þetta var sama wannabe/nevergonnabe Britney vælið eins og síðasta plata!

Og bróðir hennar, hann Krummi, að syngja með í laginu og leikur í myndbandinu sem er jú einmitt um þau systkinin, hvað þau eru sniðug og áttu felustaði þegar þau voru lítil.. já.. nei.. Ég sé mig og Einar bróðir í anda .. hahahhaa.. ég skora á þig Einar að semja eitthvað lag um okkur! Mér finnst að hún Svala Björgvins ætti bara að syngja á íslensku ef hún þarf að syngja.. hún var fín í þaddna gamla jólalaginu með pabba sínum forðum! Ég hef samt ekkert á móti henni persónulega, bara finnst þessi músík einum of klígjuleg!

Jæja best að hætta að rövla um þetta fjölskyldutríó The Bó's!

Kem hress og kát eftir helgi og skrifa ferðasögu... þokkalega!!

Á morgun á morgun förum við 3 ættliðir í beinan kvenlegg til Lundúna til að heimsækja skákvenlegg eða Stínu frænku!!
Ég er búin að halda spennunni í lágmarki, ekkert að æsa mig yfir þessu.. svona aðeins að prófa það! Kannski er ein ástæðan peningaskortur, ég vildi óska að ég ætti alveg fullt fullt af monní og gæti þá eytt alveg heeeeeelling! En nei.. ég ætla samt að leyfa mér að kaupa jakka, skó, kannski einar buxur.. nærföt og eins og 2-3 peysur.. hmm.. það er nú alveg slatti!

Og þar sem við ætlum á mínum bíl suður á völl og geyma hann þar, ætla ég eftir vinnu að láta setja nagladekkin á! Aldrei að vita hvernig veðrið getur breyst um helgina.. enda skoða ég aldrei veðurspár og það þýðir ekkert fyrir mig. Ég er með algjöran teflon-heila gagnvart veðri og veðurfréttum.. sama hvað ég ætla að hlusta á þær stundum.. þá bara fer ég að hugsa um eitthvað annað!

Mér finnst þetta heldur stuttur fyrirvari að fara með bílinn í dekkjaskiptingu, þar sem ég get aldrei gleymt því þegar Eydís frænka mín var á fyrsta bílnum sínum í den, nýbúin að fá bílpróf. Þá var hún að keyra niður Miklubraut í góðum fíling en svo bara rúllaði allt í einu dekk framhjá og Esther frænka mamma hennar var að keyra heim úr vinnunni og ók framhjá dekkinu hinum megin á Miklubrautinni og varð hugsað til Eydísar! Og viti menn, þar var hún útí kanti alveg miður sín. Þá hafði pabbi hennar verið nýbúinn að setja dekkin undir og ekki hert nógu vel eða eitthvað!

Og alltaf í hvert skipti sem ég er að keyra bíl sem er nýbúin að skipta um dekk þá fæ ég paranoijur um að þetta gerist.. en pabbi róaði mig í gær og sagði að það væru nú frekar litlar líkur að þetta gerðist .. nema kannski að ég myndi bakka á 80 km hraða, þá kannski myndu einhverjar gengjur losna.. þannig að ég ætla að treysta pabba. Ekki hafa áhyggjur að 3 beinir ættliðir í kvenlegg fari útaf á Keflavíkurveginum á morgun! :)

Annars finnst mér alltaf jafn óþægilegt að fara á svona dekkjaverkstæði, já og smurstöð og bílaþvottastöð.. ég veit aldrei hvernig ég á að vera, hvort ég eigi að vera inní bílnum eða eitthvað og allt í einhverjum olíubornum karlmönnum.. maður fer bara alveg í kerfi!
Gæti verið að ég sé eitthvað óörugg í kringum hitt kynið? Eða eru allar konur svona? Ég myndi allavega alveg vilja sleppa við að fara sjálf með bílinn.

En besta ráðið við svona phobiur er að vinna á þeim! Alveg eins og til að losna við krumma/uglu phobiuna mína þá ætti ég að vera ein í hvítu herbergi með slíku kvikindi.. þá ætti ég að vera lokuð inní hvítu herbergi með hjólbarðaverkstæðiskarlmanni!

íhaaa who's your daddy???

... með fullri virðingu fyrir Kermit vini mínum.... hahahaha :D

Ég fór að pæla í dag, sumir fara á svona hraðlestrarnámskeið og læra einhvern veginn að lesa ská niður málsgreinar.. og lesa semsagt töluvert hraðar .. ég væri mikið til í að heyra í einhverjum hraðlesa upphátt! Heyrist þá eins og maður er að spila plötu á hraðari snúningnum??

Mér finnst nýja Iceland Express auglýsingin algjör snilld.. með gæjanum sem er svo mikill stórborgari að hann talar á mörgum tungumálum í einu.. "hey, what's a matter with you, esta loco!" og "einn kopp af kaffi" .. haha.. minnir mig á stelpu sem mér var sagt frá sem fór til Noregs í mánuð og sagði alltaf melding í staðinn fyrir sms! En gaurinn í auglýsingunni minnir mig lúmskt í útliti á Ingimar hennar Ásdísar.. og þar sem þau eru búsett í Danmörku er aldrei að vita að Ingimar verði svona þegar þau flytja heim aftur! hehehe..

Áðan kom viðbjóðslegur fnykur inn í íbúðina mína.. ég veit ekki hver fjárinn hefur gerst en það var eins og einhver væri að kveikja í bjúgum fyrir utan.. kannski hefur einhver krakki verið að mótmæla kvöldmatnum......

Snætaðu burt eða ég læt manninum mínum lemja þig!

Jæja er þetta bloggdæmi ekki að fara að verða úrelt! Ég las í einhverju blaði um helgina að þetta væri ekki heilbrigð þróun, að nú sé fólk að skrifa dagbækur og setja þær á netið í staðinn fyrir að geyma þær oní luktri náttborðsskúffu... og sama sé með þessa raunveruleikaþætti sem byggja á mannlegum tilfinningum! Ekki það að það lesi jafnmargir bloggið mitt og horfa á Piparsveininn! Sem betur fer!

Annars er tökum víst lokið á þeim þáttum, mér finnst nú mjög furðulegt ef það fréttist ekki hver hafi unnið áður en síðasti þátturinn verður sýndur.. á þessu litla landi. Td. skoðaði ég bloggið hjá þessari Heklu um daginn og þar var hún svona að tala í kringum hlutina.. en maður veit ekkert. Ég gæti ekki haldið kjafti sko! Svo er svo fyndið að þær eru allar svo góðar vinkonur með matarklúbba og partí.. úff.. þetta er bara eins og fegurðarsamkeppnunum.. þær verða svo góðar vinkonur mímímí!

Ein voða abbó.. en kannski kemur önnur sería.. þá verður mín fremst í flokki, sest í klofið á Piparsveininum og nudda á honum axlirnar í potti.. jájá það er svo mikið ég!

Annars verð ég að segja ykkur frá litla menningarsjokkinu sem ég fékk á föstudagskvöldið. Fór semsagt að borða þarna á 101 Hótel, þar sem allt er glænýtt og fansí smansí Völu Matt hönnun og svo beint yfir á Dubliners sem er mesta subbubúlla Íslands held ég.. lyktin þarna inni og klósettið, ég hélt ég myndi æla.. þetta var liggur við verra en kamarinn á akrinum sem ég vann á í Noregi sumarið 1996... og þar hélt ég frekar í mér í 8 klukkutíma heldur en að setjast á hann!

Jæja mín loksins komin með hleðslutæki fyrir gemsann! Ég gleymdi nefnilega mínu úti hjá henni Sollu litlu afmælisbarni, já snótin er þrítug í dag, í Ammmríku í fyrra.. og er bara búin að hafa bílahleðslutæki síðan þá.. í semsagt tæpt ár, sem getur stundum verið óheppilegt, þegar síminn verður batteríslaus þegar maður er heima.. því þá þarf ég að skreppa í bíltúr til að hlaða símann, því bíllinn verður að vera í gangi!

En ég semsagt bara auglýsti eftir á barnalandi hvort einhver ætti svona hleðslutæki til að selja mér fyrir slikk og jú jú viti menn, það flykktust að mér tilboðin, eða allavega tvö! Og ég fór í gamla húddið, Seljahverfið, til að sækja það áðan og borgaði þúsara fyrir það :)
Tók einn rúnt um hverfið í leiðinni, keyrði niðrí Kleifarselið og gamla blómlega verslunarmiðstöðin er bara orðin að draugabæli..

En já, aftur í nútíðina... mín er bara að fara að dressa sig upp og er að fara á októberfest á Dubliners með vinnunni í kvöld, en á undan ætlum við nokkrar að fara og fá okkur að borða á 101 Hótel veitingastaðnum... þannig að ég verð bara að fara að þrífa mig að setja upp sparifeisið og fara í gull pallíettusamfestinginn minn með græna leðurbeltinu um mittið! Er bara að spá hvort það verði of mikið að vera með svörtu leður emilíkattholtihúfuna mína líka... æji ég sé til!

Ég fór að þrífa áðan í búðinni.. og labbaði venjulega rúntinn inn, framhjá kössunum, tékka á ruslinu og svona og ekkert mál. Svo fer ég inná kaffistofuna og geng frá þar og þríf klóið og svona. Svo fer ég ruslarúntinn, og díses hvað mér brá þegar ég kom að kössunum. Ég hefði getað svarið að þetta hefði ekki verið þegar ég labbaði fram hjá fyrst.. en allt í einu stóð fatalaus gína með sailorhatt fyrir framan kassana!

Ég öskraði næstum því og hjartað sló á milljón.. og fyrsta sem ég hugsaði var að ég væri ekki ein þarna.. ég meina mér líður ekkert mjög vel að vera þarna ein inni þegar það er dimmt úti.. en úff, þetta var hrikalegt.. ég held ég sé með smá gínuphobiu því mér hefur oft nefnilega brugðið þarna og haldið að einhver stæði þarna en þá eru það þessar gínudruslur.. ohhh!

En þótt ég hefði öskrað hefði nú liðið á efri hæðinni ekki heyrt í mér, því þar var miðvikudagshópreiðin í fullum gangi. Jájá, þessi samkoma þarna hjá Bethaníu er ekkert grín sko.. maður fer bara hjá sér... það eru bara óp og stunur "já já já já" og "aaaaaaaaaahhhhhhhhh" og eitthvað.. þekkir virkilega enginn sem les þetta neinn sem hefur verið í þessum söfnuði???
Mig langar nú ekki að fara þarna á samkomu en það endar með því einn góðan veðurdag ef ég fæ ekki að vita til hvers þessi óp og köll eru!

En já.. alltaf gott að vera búin að þrífa aaahhhh jájájájájájájá.. þarf ekki að fara aftur fyrr en um helgina og þá ætla ég að fara þegar það er bjart.. svo gínuherinn ráðist ekki á mig í myrkrinu múhahahhahaha!

Ohh í morgun... vaknaði ágætlega tímanlega sem betur fer! Fór í sturtu og ætlaði svo að klæða mig.. langaði að vera í pilsi, fór í sokkabrækurnar og í pils.. en hvað átti ég að fara í að ofan? Hmm.. neinei allt skítugt sem passaði við pils, nema ein peysa og ég var alltof feit í henni. Þannig að ég fór úr pilsinu og í buxur.. ég á fullt af hreinum bolum.. en enga gollu yfir! Nema eina joggingpeysu, og ég vil ekki fara í joggingfatnaði í vinnuna...

Og þarna var ég alveg að hringsnúast í öllum fötunum og það bíður mín væn hrúga á rúminu heima núna.. fann að lokum einhvern langermabol og fór í honum, hann var samt ekki hreinn.. þoli ekki að fara í notuð föt þegar ég er nýkomin úr sturtu! Búin að vera pirruð í honum í allan morgun!

Mér er skapi næst að fara í Smáralind og kaupa mér fallegan vinnufatnað.. en ég er að fara út eftir viku.. hmm.. erfitt, hvað skal gera? Ég á samt ekkert til í fara í í vinnuna á morgun, því ef ég þvæ í kvöld, þá verður það ekki þornað fyrir morgundaginn.. Þannig að ég kannski bara verð að fara í Smáralind eftir vinnu og kaupa eins og eina gollu.. ég meina, er það ekki í lagi??

Ég er í rauninni að reyna að sannfæra mig um það og ég vil að þið segið, já Anna farðu nú og keyptu þér eitthvað! Þannig að ég kannski renni við á leiðinni útí Sjáland, þar sem ég er að fara að hitta aðalgæjann í Garðabænum eftir vinnu!

Ein af Topp 10 ömurlegustu helgum í lífi mínu er liðin sem betur fer! Alltaf gaman að enda 3ja vikna kvefpest með meiru með upp og niður pest og lystarleysi! Ég semsagt lá bara heima alla helgina og glápti á tv og The 4400 þætti sem er reyndar geðveikt góðir! Ég ætla að vona að ég verði frísk núna það sem eftir er að vetri, nenni ekki meiru svona volæði og grámyglu!

Jæja svo er mín bara að fara til London í næstu viku! Jájá.. fer fimmtudaginn 20. okt og kem aftur á sunnudagskvöldið! Upprunalega ætluðu mamma og pabbi að fara með ömmu gömlu út til Stínu systur hennar mömmu sem býr þarna í Oxfordshire (shire.. alveg eins og í lord of the rings híhí) en svo var pabbi minn svo góður að aumka sér yfir mér og bauð mér að fara í staðinn fyrir sig enda bara gott fyrir hann að fá smá frí frá mömmu og mér! :)

Og þar sem ég gat fengið frí í vinnunni, þá skellti ég mér auðvitað á þetta. Ég hlakka rosalega til, hef ekki komið til Stínu frænku í nýja húsið hennar og svo er ég líka að fara að hitta einn frænda minn í fyrsta skipti, hann Rufus Orlando, en hann er 2 og hálfs árs og aaaalgjört krútt!

Ætli maður plati ekki mömmu svo til að kíkja í smá verslunarleiðangur, maður verður að nýta þetta sko.. pundið er líka svo lágt núna, ekki nema um 108 kr. en var um tíma komið uppí 150 kall!

Það verður gaman og alltaf er maður jafnmikill lúði og hlakkar til að fara í fríhöfnina, sem er svo alltaf jafn dýr og pathetic! :)

Jæja ég var að loksins að horfá þennan Bachelor þátt íslenska sem allir eru búnir að vera að tala um! Það voru miklar umræður um þetta í kaffinu í vinnunni í gær, þannig að ég var undir það versta búin. En þátturinn kom mér á óvart.. þetta var ekki eins hræðilegt og ég hélt.

Eigilega enginn að gera sig að fífli eða neitt, eina sem er mjög klígjulegt er þegar sumir frasarnir eru beinþýddir úr amerísku þáttunum, það bara passar ekkert að segja á íslensku "viltu veita mér þann heiður að þiggja þessa rós?" .. æji það talar enginn svona! Mér fannst líka gott þegar ein stelpan sagði bara nei.. því hún sagði bara að hann væri ekki sín týpa! Það held ég að hafi bara einu sinni gerst í amerísku þáttunum!

Annars ætla ég að halda með Kötlu Einars því mér finnst hún cool, hún var í FB þegar ég var og ég man þegar hún var að kveikja í brjóstahöldurum fyrir utan Undirheima.. hún er nett flippuð og töff finnst mér. Svo finnst mér þessi Berglind Ósk ferlega næs líka.. Og Steingrímur sýnist mér vera fínn í þetta hlutverk.. hann gæti nú alveg verið amerískur sko!

Annars hlakka ég bara til að sjá næsta þátt, en mér sýndist verða eitthvað kelerí og rugl.. þetta er allt voða spennandi!

Hvað kemur til að ég sé svona jákvæð????

Er ég var útá Spánu so kom tessi bjánu, kom og hristi mig og byrsti sig og brúkast og kjeft! Ég ba hann ver gódur tá var hann bandódur, tú ert rindilmann sagdi hann og labbadi burt!
Tad var eitt kvöld útá Spánu, voda voda gaman, og allt í einu ég vera voda svangur og labbadi inná Spanskur resturantur, tá kom tessi sæta stelpa og spurði; "Hvað viltu fá?" Og ég sagdi bara; "ég vil bara fá þig" og hló HAHA.. Ég spurdi hvort hún vildi ekki koma med mér á dansiball og svona og thá var hún vera alveg brjáluð og sagdi med sinni yndisrödd "Snætaðu burt, eða ég læt manninum mínum lemja þig!" og ég vera 3 mánuði á spítala........

Í dag var erfiðasti dagurinn í nýju vinnunni so far, ég var alveg búin á því um hálf fjögur! Þar sem það eru mánaðarmót og verið að stemma allt af í bókhaldinu og líka að senda út greiðsluseðla og yfirbókarinn að finna vitleysur sem ég var búin að gera í mánuðinn, sem er bara eðlilegt sko. En þetta var eitthvað mjög yfirþyrmandi og allir að kalla Anna Anna Anna hingað og þangað..

Svo þegar ég kom heim kl 17.01, langt að keyra heim sko, þá var ég bara búin á því, svöng og þreytt og lúin... og ég keypti mér peðsu hjá Peðsahöllinni, og ýkt glatað eitt. Það er svona tilboð þarna, stór pizza með 4 áleggstegundum á 1100 kr. Ok, ég hringi og spyr hvort að það megi helmingaskipta pizzunni, nei þá er það bara hægt með því að fá 2 álegg sitthvorum megin!!!

Finnst engum það skrítið nema mér? Svo keypti ég líka brauðstangir og hvítlauksolíu.. elska sko brauðstangirnar þarna og nei ég ætlaði nú ekki að borða þetta allt í einu, þetta dugar í svona 2-3 máltíðir fyrir mig, sko allt. En ég tímdi nú ekki að kaupa gosið þarna líka á 290 kall 2 lítra.. sem er rán á hábjörtum degi!Fyrir utan að þeir eru bara með óvinagos, þannig að ég fór í Bónus á leiðinni og keypti 2 flöskur af Pepsi Max fyrir sama pening.

Svo kem ég á staðinn og það eru 3 aðilar að vinna þarna, og þau voru öll að gaufast við að gera eitthvað annað en að afgreiða. Ég var nú orðin ansi pirruð en sat þó á mér og loksins kemur einn strákur að afgreiða mig og lætur mig hafa allt og nær í eina 2 ltr. kók... ég sagði þá með smá pirringstóni yfir þjónustunni þarna "nei ég pantaði ekkert gos sko!" Þá sagði hann: "það fylgir!" .. ég alveg skítroðnaði og bara "ó, get ég þá fengið coke light hehe..!"

Svona er þetta alltaf þegar maður er að tryllast inní sér, þá kemur eitthvað svona í hausinn á manni tilbaka! En ég varð samt strax aftur pirruð þegar ég kom útí bíl, því að þegar ég er glorhungruð með heita pizzu í sætinu, þá vil ég komast sem fyrst heim. Neinei.. þessi bílstjórar á þessu landi gera mig gráhærða, þurfti að skransa smá þannig að allar flöskurnar þrjár þeyttust útá gólf og lenti svo á eftir einhverjum sleða.. en ég komst loksins heim og borðaði og borðaði og borðaði og núna er ég svo södd að ég held það kæmist ekki eitt grjón oní mig!

Já ekki er öll vitleysan eins...

Hahaha ég varð að stela þessu af síðunni hjá Möggu Lindu, hún segist ekki ætla að verða svona..
..en mig langar pottþétt að vera svona grúví amma!
Smella hér til að sjá hvað ég er að tala um! Hafa hljóðið á!

Úr hverju ætli svona puttafita sé úr, sem maður notar í skrifstofum til að það sé auðveldara að fletta blöðum?
Það stendur nebblega ekkert á dollunni!

Röddin ennþá í smá hakki, pirrandi að vera svona ryðguð hérna í vinnunni. Verð svo þreytt á því að heyra mig tala........

Annars hress bara, mikið að gera! Fyrstu mánaðarmótin í nýju vinnunni!

Skrifa í kveld kannski.. ef netið verður komið í lag.. var eitthvað bögg á því í gærkvöldi!!

Djöfull eru Ruby Tuesday auglýsingarnar ógeðslega girnilegar alltaf!!! Mig langar alltaf í þetta Lobster Alfredo pasta þegar ég sé þetta... en þær eru ekki að hafa greinilega nógu mikil áhrif því aldrei læt ég verða úr því að fara þangað og kaupa mér mat! Samt er hægt að fá í take-away held ég! hmm.. dáldið dýrt líka held ég!


Jæja ég er búin að vera raddlaus alla helgina, tala eins og ég sé búin að vera á fylleríi í 2 ár samfleytt! Assgoti hvimleitt að vera með svona ömurlega falska og asnalega viskírödd eitthvað. En ég varð samt að stíga aðeins á stokk í þrítugsafmælinu hennar Beggu áðan. Það var nefnilega karókí og ég take It's a heartache lagið sem Bonnie Tyler tók upprunalega.. það tókst bara helvíti vel og ég fékk Beggu til að taka nokkur vel valin dansspor með, þetta vakti mikla lukku.... held ég.. nema að fólkið hafi verið að hlæja að mér.. en ekki með mér!

En ég er alveg dead í röddinni eftir sönginn, best að hvíla talandann!

Jæja.. þessi niðurstaða kom mér á óvart.. ég hef nebblega alveg pælt í því hvernig fólk myndi bregðast við ef ég væri ekki lengur til........... maður er svo klikkaður!
Maður má þá greinilega búast við að lesa allavega eina minningargrein eða svo, sem draugur þá!


Yes, you will always be remembered for your good
ways. You seem to be close and caring around
your family and other people you really know.
You will be a major loss for them. There will
be an empty spot once you are gone. It may
sound morbid to you, but it could also be good.
Keep on with your great ways. You will have a
beautiful funeral.


What Type of Funeral Will You Have? Will You Be Missed Once You're Gone?
brought to you by Quizilla