Jæja þá er kominn tími til að segja stóru fréttirnar í lífi okkar Ása, en við munum taka þátt í að fjölga mannkyninu á komandi ári, þann 6. mars 2007. Ég má til með að setja mynd af krílinu sem við fengum í sónarskoðuninni í gær. Það var alveg magnað að sjá þetta á skjánum, fóstrið var vakandi og í stuði, spriklaði og spyrnti sér á fullu, þannig að það var nánast erfitt að ná mynd af því kyrru.

12 vikna og 6 daga gamalt kríli!

Já heimurinn er lítill, hvað þá Ísland og nú Danmörk.. þar er allt morandi í Íslendingum.
Og viti menn þegar ég opnaði bloggið hennar Ásdísar vinkonu áðan þá var mynd af henni og Eydísi frænku minni saman á Madonnu tónleikum í Horsens Danmörku! Sjá mynd! Eydís er semsagt hægra megin við Ásdísi!

Og svo fékk Ásdís víst far með Eydísi og Hilmari manninum hennar tilbaka til Árósa og þær höfðu ekki hugmynd að þær þekktu báðar litlu grísastelpuna!

Annars er bara að koma helgi sem er frábært, já træbárf segi ég afturbak! Ég hlakka geðveikt til að fá að sofa út um helgina.. I love it!

Kannski að maður smelli sér í bíó og eitthvað um helgina. Langar dáldið að sjá Lady in the Water.. ég er búin að forðast eins og heitan eldinn að horfa á þegar það er verið að segja frá myndinni á Skjá einum.. ég þoli ekki þegar það er bara allt sagt og sýnt frá.. hvað er þá svona gaman að sjá myndina ef maður veit allt fyrirfram!

Góða helgi!

Týndir þú nokkuð þessum á Menningarnótt?

Sjá frétt

Ég tók meiri að segja hinn margfræga grísahlátur þegar ég sá þessa frétt á mbl.is áðan... hahahahhaa... fyrir utan ef þið horfið á myndskeiðið í fréttinni, þá er allskonar dót í óskilamunum, td. blúndu skapadulur og fleira.. ég myndi einmitt mæta til löggunar og spyrja hvort þeir hefðu nokkuð fundið svartar blúndubrækur ef ég hefði "lent í því" að týna þeim á djamminu! hahahha :) fyndið!

Gettu hver þetta er!!



Nú þetta er hann David litli í Beverly Hills 90210, eða Brian Austin Green! Hann hefur nú mannast aldeilis kallinn.. mér leiddist eitthvað í gærkvöldi og fór að googla nýjar myndir af öllum í þessum þáttum.. það var mjög gaman! Þetta er td. Kelly.

Annars langar mig ekkert að skrifa meira í dag. :)

Jæja þá er hið árlega Menningarsjokk Reykjavíkur búið! Ég var nú ansi aktív í ár, fór bæði um daginn og svo aftur um kvöldið.

Við frænkurnar, ég og Auður Aþena, áttum skemmtilegan dag saman, fórum í sund í Svalalaugina eins og hún kallar Salalaugina, fórum svo og fengum okkur pulsu í Snælandsvideo í Lindahverfinu.. það verður alveg sko! Hún mun aldrei gleyma þessari rútínu okkar! :) Svo skruppum við aðeins niðrí bæ og skoðuðum fólkið og hlustuðum á nokkrar hljómsveitir spila og fengum okkur ís á Austurvelli eins og algjörar pæjur. Þar hinsvegar var ein ólukkans miður pæja, dauð áfengisdauða á gangstéttinni við Austurvöll. Og hún sat á stéttinni bein í baki, nema það að buxurnar á henni voru niðrá hálft rassgat. Og allir löbbuðu og gáðu hvort hún væri á lífi.. og hlógu svo af rassaskorunni. Greyið manneskjan.

Svo fór ég um kvöldið með Ása og Lilju að horfá pabba hennar Lilju spila á Ingólfstorgi með hljómsveitinni SKA sem var bara fínt band, taka svona breska smelli eins og Clash og þannig. Svo fórum við á röltið og kíktum á útitaflið en þar var svakalegt DJ reif eitthvað. Og við héldum að við værum lent á sýrutrippi. En þar var semsagt verið að spila brjálað hip hop trans dans músík og nokkrar þannig týpur þar, en svo var fullt af nunnum þar líka og sátu í hring á útitaflinu og voru í einhverjum leik. Svo kom maður klæddur upp eins og páfinn sjálfur. Nei svo var okkur öllum lokið þegar tveir munkar mættu á svæðið. Og þetta voru ekki leikarar, heldur bara alvöru nunnur og munkar! Mjög fríkað.

Svo var ekki hægt að komast hjá því að taka eftir öllum litlu fullu unglingsstelpunum. Klæddar upp eins og litlar gleðikonur. Stífmálaðar, í flegnum bolum, reyna að kreista upp litlu A-mínus brjóstin sín, í snípstuttum pilsum og pinnahælum sem þær voru ekki að höndla að labba á. Ok ég veit að ég var líka einu sinni gelgja, en það var nú ekki í tísku að láta sjást í hold þá sem betur fer.. þá var maður eins kappklæddur og maður gat!

Svo var það auðvitað flugeldasýningin.. æji mér finnst það orðið þreytt, þetta er alltaf eins og svo umferðarteppan á leiðinni heim. Svo skreið maður í rúmið og steinsofnaði! :)

Mér finnst svoldið fyndar.. eða frekar pínlegar sumar auglýsingar. Enda er stundum leikurinn til þess gerður, til að vekja meiri eftirtekt. En verstar finnast mér auglýsingar með alvöru fólki sem á að segja eitthvað en kemur því svo asnalega útúr sér. Sérstaklega tvær auglýsingar sem eru í gangi núna og þær eru:

Vinalínan, Linda P. talar:
Sumum getur liðið illa, meiri að segja mjög illa, svo kemur þögn og svo önnur tóntegund; en lífið hefur uppá svo margt að bjóða!

KFC auglýsing, karl á hjóli talar:
Ég verð að fá KFC Zinger borgara, svo kemur smá þögn og heldur svo áfram með annarri tóntegund; í hádeginu á sunnudögum!

Svo er nú ein gömul sem ég get ennþá hlegið af:

Ariel þvottaefni, yfirþjónn á veitingahúsi talar:
Að reka ......... þöööööögn....... veitingahús getur stundum reynst erfitt osfrv.
_____________________

En fyndnasta auglýsingin í dag er tvímælalaust Thule auglýsingin með Pétri Jóhanni Sigfússyni þegar hann og konan eru í matarboði og hann bendir konunni á móti á að það sé eitthvað fyrir ofan vörina á henni og hún alveg takk og þurrkar með servíettunni. En nei, þá segir hann: Það er ekki nóg að raka sig bara undir höndunum!!! og þá er gellan með smá konuhýjung!
Og toppurinn þegar kærastan hans Pétur hnippir í hann með hneykslissvip og þá segir hann aftur: Hvað!! þú ert alltaf að tala um þetta!

Múhahhaha snilld!

Jei ég er að fara í dekurpíningu á fimmtudaginn eftir vinnu.. hlakka geðveikt mikið til!

Ég verð örugglega eins og postulínsdúkka í framan eftir á.. ef ég læt þá fullkomna verkið með því að láta tattúvera tár á kinnina og raka hárið af mér og mála svartan koll á hausinn með litlum rauðum dúski í miðjunni. Svo ætla ég að fá mér hvítan samfesting með 3 stórum svörtum dúskum framan á. Já kominn tími á að maður verði smá "týpa"!!



Annars þá verð ég að segja frá geðveikt fyndnu sem ég sá í Ísland í dag um daginn. En þetta var held ég á föstudeginum á verslunarmannahelginni og Þorsteinn Joð var hérna uppá Select á Vesturlandsvegi að tala við fólk sem var á leiðinni útúr bænum. Nema það að á bílastæðinu var stór flott rúta og hann bendir á hana og segir; "Svo eru félagarnir í Skító að fara eitthvað útá land að spila" og ég sprakk úr hlátri, þar sem ég veit nú betur að þeir eru kallaðir Skímó. Svo hélt ég kannski að hann hefði mismælt sig en þá þegar hann var að tala við einhvern kall á húsbíl þarna þá keyrir rútan framhjá og þá segir hann aftur; "Og þá er Skító lögð af stað!"

Hahahahahahahah ég get endalaust hlegið af þessu! Call me crazy!

Það var aldeilis. Byrjaði aftur að blogga með pomp og prakt í heila 2 daga og svo varð ég bara lasin í 2 daga og var ekki að meika að skrifa neitt í tölvu.. hvað þá að skoða eitthvað! Svo fór ég til Vestmanneyja á föstudaginn og kom í gær aftur.

Þessi eyjaferð var aðeins öðruvísi en hinar, þar sem hann Ási minn var eiginlega allan laugardaginn að býsnast í að skipta um glugga á íbúðinni sinni með pabba sínum. Þannig að ég fór í sund á meðan og horfði á hræðilega dvd mynd með mömmu hans og var bara eitthvað að hanga. Svo grillaði drengurinn fyrir mig og foreldrana um kvöldið. Það bætti nú daginn upp... þar sem ég veit bara ekkert hvað ég á að gera af mér þarna í þessum bæ.. ekki eins og maður geti skotist í Kringluna eða eitthvað!

Svo seinna um kvöldið þá vorum að rúnta og spá hvað við ættum nú að gera.. og enginn heima til að heimsækja, þá enduðum við á Pizza 67 þar sem við vorum einu gestirnir.. voðalega sorglegt sko! Þannig að mér fannst bara ágætt þegar við lögðumst í svítuna í Herjólfi. Já, 2ja manna káeta með 2 rúmum og sérklósetti og sigldum heim á leið.

Ég var búin að vera að láta mig dreyma um að búa til ákveðinn pastarétt allan daginn, með svona fersku pasta sem er til í Nóatúni ... en svo þegar við komum í Nóatún þá var það ekki til! Djöfull varð ég svekkt og sár.. þannig að ég slafraði í mig hálfum grilluðum kjúkling yfir dvd-myndinni Capote. Mjög spes karakter þar á ferð.

Annars er ég bara ágæt og ætla að fara að panta mér tíma í húðhreinsun í vikunni. Eða bara andlitsskiptingu ef það er hægt!

Jæja nú eru 3 mánuðir í dag í stóra daginn! Og mikið líður manni vel að vera eins og 13 ára unglingur í framan að verða 30 ára... já ég er bólufés.. líður ekki vel með það. Veit einhver um góða snyrtistofu þar sem gellan þarf ekki að fara fram í afgreiðslu og símann á 3. mínútna fresti? Mig langar geðveikt að fara í húðhreinsun og litun og plokkun..

Ég er bara búin að lenda of oft í því þegar ég fer í litun og plokkun (fer reyndar í vax) að sú sem er með mig er alltaf að fara fram.. og eða gleymir mér með litinn á augabrúnunum og ég enda eins og sambrýnd Frida Kahlo og þarf svo að borga morðfjár fyrir þetta.. eða rúman 2000 kall! Og veit ég að svona húðhreinsun kostar að minnsta kosti 5000 kall! Þannig að tips eru vel þegin! :)

Ég er oft svo óheppin í svona þjónustum eitthvað, td. ef ég fer í nudd þá þarf ég að vera að kjafta allan tímann, þegar mig langar að slaka á. Ég nenni bara ekki svona "að kynnast" spurningum við eitthvað lið sem ég á aldrei eftir að hitta aftur. Ef maður slysast inná nýja hárgreiðslustofu þá er alltaf eitthvað svona dæmi, fór td. um daginn og það var karlmaður sem klippti mig og það byrjaði: "hvað gerir þú?" - "ertu búin að fara í sumarfrí?" - "á að djamma um helgina?" o.s.frv. ég meina; alveg er mér drullusama hvað þetta lið er að gera í sínum frítíma!

Ok ok ég veit þetta þykir bara vera kurteisi.. en hvernig ætti maður að koma því kurteisislega frá sér að maður kæri sig ekki að tala um sitt einkalíf á hárgreiðslu eða nuddstofu útí bæ? Alveg: "fyrirgefðu, en ég efast um að ég eigi eftir að hitta þig aftur, þannig að mig langar eigilega bara að vera í friði hérna!" Þá kæmi maður pottþétt út með marið og bólgið bak og fjólublátt illa klippt hár! Já það er erfitt að vera ég!

Annars er ég bara hress, er voða forvitin hverjir eru að skoða þetta, hvað þið gerið, hvað þið ætlið að gera um næstu helgi og hvort þið eigið börn og hvort þið prumpuðuð í gær eða hinn!

Over and out! :)

Ég kíkti inná síðuna áðan og hélt það væru tugir kommenta með skömmum um að hafa ekki staðið við áður gefið loforð, semsagt að byrja að blogga aftur 7. ágúst. En þið eruð svo góð, já og þolinmóð öllsömul að bíða eftir mér. Bíða eftir að grísastelpan stigi aftur á stokk.

Maður myndi halda að ég gæti skrifað heilmargt eftir að hafa ekki verið að hella úr skálum mínum hérna í mánuð.. en samt er ég voðalega tóm!

Júlímánuður leið furðuhratt og ég man bara ekkert hvað ég er búin að vera að bauka. Annað en að vinna, sofa, éta og glápa á sjónvarpið.. fara í bíó, útað borða, matarboð til familíunnar, fá tengdó í heimsókn, fara í tívólíið, horfá Ása minn skjótast 30 metra uppí loft í kúlu, fá himnasæng yfir rúmið, setja 1500 stk. púslið í ramma, horfá Magna brillera í Superstar og ýmislegt fleira skemmtilegt örugglega, en gullfiskaminniskortið mitt rúmar ekki fleiri hluti á einum mánuði!

Og talandi um Magna, þá hef ég nú ekki verið mikill aðdáandi hans í sveitaballahljómsveitinni Á móti sól, en ég hef samt vitað hver kauði er síðan að hann tók lagið í Söngkeppni framhaldsskólanna 1996, þar sem hann tók lagið Undraveggurinn (Wonderwall) unplugged bókstaflega, þar sem að magnarinn hans klikkaði og hann tók lagið á kassagítarinn! Já ég er lúði, ég var að horfá þessa keppni aftur í síðustu viku.. ég get svo svarið það að ég hafði ekki horft á hana í 2-3 ár!

En fyndið að einmitt í þessari keppni árið 1996 voru nokkrir söngvarar sem hafa "meikað það" á Íslandi síðan, td. Jónsi í Svörtum fötum, Regína Ósk, Hreimur, Hálfdán Steinþórsson (djúpulauginni) og Magni litli, sem var þá hormjór með sítt hár!

En mér finnst hann semsagt vera kominn á réttan stað, í rokkið þeas. Rosalega er mikið af fólki sem þarf endalaust að dissa manninn, ég meina.. mér fannst ekki "keyrðu mig heim, ég er fullur" skemmtilegt en vá hvað hann er mikill töffari úti!
Þannig að já, ég held með honum og svo Dilana.. mér finnst hún algjör kúlisti og töffari!

Jæja er þetta ekki fínt fyrir fyrsta blogg eftir frí.. svo þegar maður er að stelast í vinnunni líka!

Have a nice day!

Fóstbræður - MogoJacket

snilld, stal þessu hjá Hemma litla! :)