Ég er búin að fylgjast spennt með 2 þáttum um þróun fósturs sem var sýnt á Rúv fyrir viku og svona seinni þátturinn í gærkvöldi. Yndislegt að horfá þessa þætti og sjá hvernig litla lífið hefur það innan í bumbunni á manni.. en svo kom að fæðingunni. Guð minn góður! Já ég fór að hágráta ein fyrir framan sjónvarpið, þetta var svo svakalegt eitthvað. Bæði hrikalegt og fallegt í senn. Að hugsa sér að þetta eigi ég eftir að ganga í gegnum eftir rúma 4 mánuði!

En ég hlýt að geta gert þetta eins og allar hinar billjón konurnar sem hafa fætt í gegnum tíðina!

Ég er núna farin að finna fullt af hreyfingum, en Ási greyið er ekki búinn að finna neitt .. enda finn ég heldur ekkert utan á bumbunni ennþá.. ég er alltaf að láta hann setja hendina á bumbuna en ekkert gerist :)

Svo er ég búin að vera með munn vesen dauðans undanfarna viku, bólgið tannhold, illtíbólur fremst á tungunni og frunsa í þokkabót! Alveg magnað en eitthvað sem líður hjá!

Svo var ein samstarfskona mín að spyrja mig í morgun hvenær ég ætla að hætta að vinna.. mér finnst það svo fríkað eitthvað. Hvernig á ég að ákveða það? Ég ætla bara að vinna eins lengi og ég get, svo ég geti verið sem lengst með barninu í orlofi.. já það er margt breytt í heimi grísastelpunnar skal ég segja ykkur!

Tölvan mín heima vill ekki leyfa mér að blogga á blogspot draslinu.. ég sem var búin að skrifa ýkt mikið á föstudaginn.. peista því hérna að neðan bara:

Jæja loksins að ég skrifi eitthvað hér.

Ég er búin að vera í fríi síðan síðasta föstudag og það er búið að vera mjööög næs skal ég segja ykkur. Við skötuhjúin fórum í bústað uppí Húsafell á mánudaginn, pínulítill og kjút bústaður. Elduðum okkur nautasteik með bernaissósu og horfðum á þáttinn um þróun fósturs fyrsta kvöldið og fórum svo í pottinn og horfðum á stjörnurnar. Nóttin var svo soldið strembin að því leyti að ég vaknaði í hvert skipti sem ég hreyfði mig, svo mjótt var rúmið, svona ein og hálf breidd neðri koja.

En svo á þriðjudaginn fórum við svo í göngutúr og svona og kíktum svo í tvær heimsóknir seinni partinn. Fyrst til Sigrúnar vinkonu uppá Hvanneyri en ég hafði aldrei farið til hennar (búin að búa í 1 ár þarna, shame on me) og það var rosa fínt og bakaði hún hjónabandssælu handa okkur og bauð okkur svo í grænmetislasagne, þannig að við fórum södd og sæl frá þeim mæðgum um kvöldið. Þá brunuðum við í Borgarnes að heimsækja Svölu vinkonu sem er nýflutt í draumahús, já ég segi það bara, ég væri alveg til í að búa í því. Raðhús á einni hæð og bílskúr og allt svo nýtt og flott þarna og kostar jafnmikið og 3ja herbergja blokkaríbúð í borginni. Þar var Kristján Ari í fullu fjöri og algjört krútt. Hann er 15 mánaða og ekkert smá skemmtilegur og fyndinn. Svo lögðum við af stað uppí Húsafell og kvöddum sætu fjölskylduna.

Sem betur fer vorum við með GPS tækið hans pabba í láni því það er alveg hægt að villast þarna þegar maður er kominn framhjá Baulu skal ég segja ykkur. Og það var þvílíkt niðamyrkur. Ég komst að því að ég er nú bara dáldið myrkfælin svona útí sveit. Var svo hrædd um að það myndi eitthvað birtast í myrkrinu og þegar við lögðum við bústaðinn var ég svona hálfsmeyk við að labba útúr bílnum.. samt var ENGINN þarna! Ekkert smá klikkuð! Þá um nóttina ákváðum við að Ási myndi sofa í efri kojunni svo við hefðum meira pláss. Þá ætlaði ég aldrei að sofna, fannst ég svo óörugg þarna niðri, sko ef einhver ribbaldi myndi ráðast inní bústaðinn, þá yrði ég fyrsta sem hann myndi finna. Þannig að við vöknuðum eldsnemma alveg. Svo þegar leið á daginn, þá var okkur farið að leiðast pínku og ákváðum bara að bruna í bæinn. Og já það er nú alltaf best að lúra í sínu eigin rúmi!

Svo í gærmorgun kíktum við uppí skóla til mömmu og pabba og fengum okkur morgunmat og kíktum svo aðeins í Limalind þar sem við freistuðumst til að kaupa fyrstu fötin á soninn.. ekkert smá spennandi! Svo erum við bara búin að hanga heima og mygla á meðan þið öll eruð að vinna eða læra múhahhaha! En svo þarf ég víst að fara að vinna á mánudaginn.. en Ási verður í fríi í 2 vikur í viðbót og ætlar eitthvað til Eyja að gera við íbúðina sína þar.



Hérna er gallinn sem við keyptum,
mamman pínku montin!
Smella á myndina til að stækka

Við fórum í gær í 20. vikna sónarinn og það kom allt mjög vel út. Allt á sínum stað og svona og fylgjan er víst á góðum stað eða niðri hjá legbotninum. Og já við fengum að vita kynið og urðum bæði mjög hissa.

Þetta var dáldið fyndið því þegar ég var nýlögst á bekkinn sagði ég að okkur langaði til að vita kynið ef það vildi sýna okkur það. Svo setti hún gumsið á magann á mér og kveikti á græjunni og þá bara strax sagði hún: Já og það er til í að sýna okkur það, hérna er pungur og typpi!
Já það er strákur á leiðinni, voða gaman.

Já og mér var seinkað um einn dag og áætlaður fæðingardagur er þá 7. mars (070307) mjög cool sko! :) En það eru víst bara 5% líkur að barnið fæðist á settum degi var mér sagt.

Þannig að það er mikil gleði í gangi!

Það er greinilega ekkert að marka mig um þessar mundir, er alltaf að breyta um plön í öllu. Við erum semsagt hætt við að fara til útlanda, ætlum að vera skynsöm og safna frekar uppí einhverja ferð frekar en að vera að borga ferðina á raðgreiðslum með tilheyrandi vöxtum! Ég ætla samt að taka mér vikufrí með Ása sem er að fara í 3ja vikna frí. Og við erum búin að fá okkur lítinn bústað á leigu í næstu viku og ætlum að hafa það kósí þar í 4 daga. En einu fríin sem við höfum verið í saman eru helgarfrí.. enda kannski ekki búin að vera saman mjög lengi.. erhmm eða tæpa 11 mánuði.

Þannig að afmælisplön eru enn óákveðin um sinn!

Svo er nóg að gera í bumbulíusar málunum núna í vikunni, en á morgun erum við að fara í mæðraskoðun og á miðvikudaginn í 20. vikna sónar, mjög spennandi allt saman! Ég er farin að halda að ég sé með últra stóra bumbu því það er 2svar búið að spurja hvort ég sé með tvíbura! Ég tek það nú ekkert nærri mér, en ef fólk væri að kommenta á annað holdafar mitt yrði mér ekki sama. Ég er reyndar ekkert búin að þyngjast síðan ég varð ólétt sem er mjög gott. Enda 4 og hálfur mánuður eftir.. og barnið alltaf að stækka.

Ég dreif mig loksins á myndina Börn um helgina. Hún er rosalega góð mynd, vel leikin og raunsæ. Þannig að ég mæli með því að kíkja á hana og ég var að lesa í dag að hún mun ekki fara á leigurnar heldur verður hún bara gefin út á sölu-dvd, þannig að drífið ykkur í bíó! Svo á víst að koma önnur mynd eftir sama sem heitir Fullorðnir.. maður verður svo að kíkja á hana líka.

Fyndið í Bónus áðan, þá var ég að skoða hakk og þá spurði mig eldgamall maður hvort ég vissi hvort það mætti frysta kjötfars.. ég sagðist nú ekki vera klár á því en hann tók sénsinn og keypti farsið!

Nóg í bili kæru vinir!

Hvað er svartur afgan?

Fyndinn sófi til sölu í smáauglýsingunum á mbl.is!

Ég er alveg ferlega óákveðin með þetta afmæli mitt... núna er ég eitthvað að hugsa um að bakka með það.. Við Ási erum nefnilega að pæla í að slá öllu upp í kæruleysi og skella okkur til Tenerife í viku núna í lok október.. og það er auðvitað ekki gefins.

Maður er alltaf að spá í fjárhagnum sko.. og eitthvað kostar nú að halda fína veislu eins og ég myndi vilja hafa hana.. þannig að.. ég ætla aðeins að halda áfram að pæla í þessu öllu saman!

Svo var eitt sem ég ætlaði fyrir löngu að skrifa hérna, en það er með söngkonuna hana Heiðu sem oftast er kennd við Unun. Hún er ótrúleg gella sko, ég sá hana taka lagið í afmælisþætti Rúv um daginn, og var hún í einhverjum ermalausum kjól og svo þegar lagið var búið baðaði hún út höndum og þvílíkir brúskar þar.. smart, mjög smart!

Ég er nú ekkert að deyja yfir svona háradæmi en þetta finnst mér ekki smart.. en þetta er greinilega eitthvað statement hjá henni því ég hef áður séð þetta hjá henni. Annars er þessi hárafanatík hérna á Íslandi alveg að ganga útí öfgar finnst mér, ég er að heyra um 12-13 ára stelpur sem eru að raka sig að neðan! Skrítið hvað tímarnir breytast og mennirnir með.

Þá er akkúrat einn mánuður í The Big Dirty Thirty hjá minni! Er alveg ennþá að velta fyrir mér hvernig afmælisveislan á að vera.. er komin með hugmynd allaveganna! Líklega mun ég þiggja boðið um að halda hana heima hjá foreldrum mínum, þannig fólk getur byrjað að skoða götukortið af Áslandshverfinu í Hafnarfirði! :)

Ég fór í fertugsafmæli hjá Evu frænku minni á laugardaginn og það var rosa gaman bara, ég verð líka endilega að skella mér í partýbúðina og kaupa allskonar börþdei stöff.. ef ég tími múhahaha! Hún var með geðveikt flotta græna bollu með svona þurrís dæmi þannig að það rauk úr henni.. minnti mig reyndar á grænt nornaseið í halloween bíómynd!
Já svo var Eydís frænka mín sem býr útí Árósum mætt á svæðið öllum að óvörum, ekkert smá gaman!

Annars var þetta soddan letihelgi.. eins og alltaf. Og ég get greinilega ekki haldið mér vakandi á föstudagskvöldum lengur.. steinsofnaði yfir dvd um 10-11 leytið.. mjög skemmtileg kærasta skal ég segja ykkur. Svo eftir hádegismatinn í gær þá fór maður bara undir teppi heima og kláraði að lesa Mýrina aftur, er svo spennt að sjá myndina sem ég er búin að sjá úr og enginn í henni er eins og maður var búinn að ímynda sér.. en er það ekki alltaf með svona bíómyndir sem maður hefur lesið bókina áður.. Mest fór í mig að sjá að Erlendur ekur um á jeppa í myndinni en í bókinni er tekið skýrt fram að hann eigi japanskan smábíl!

Svo þarna um miðjan dag í gær, hringir frændi hans Ása í hann og Ási segir mér að hann ætli að kíkja í heimsókn. Ég bara lá eins og tuska undir teppinu og hugsaði með mér að vera ekkert að stressa mig yfir öllu draslinu .. en svo segir Ási eftir 5 mínútur; já kærastan hans kemur með! Ég bara: haaa??? Og ertu að segja mér það núna?? og þaut á lappir að byrja að taka til þá bara ding dong.. úff.. minn maður fékk sko sporðdrekaaugnaráðið beint í æð.. Ég meina ég hefði alveg náð að gera ýmislegt á þessum 5 mínútum... En þetta reddaðist svona fyrir horn..

Jæja nóg í bili!

Ég er ýkt ánægð, ég held ég hafi verið að finna fyrstu hreyfingarnar í barninu!
Ég var nýmætt í vinnuna áðan og sat í mestu rólegheitum hérna og hnerraði svo allt í einu frekar hastalega og um leið um þvílíkur fiðringur og loftbólutilfinning í magann!
Mamman bara að bregða litla krílinu, en ég er samt svo glöð, hringdi alveg strax í pabba litla :)

Jæja þetta fer að verða eins og væmin færsla á barnalandi.. best að chilla! heheh :)

Vá ég er ekki að meika þessa oxy vanish auglýsingu:
"leyfðu okkur að sjá gráu skyrtuna þína!" -
"hún er ekki grá hún er keeevít(hvít)!"
Og svo klína þær tómatsósu og eitthvað annað sitthvorum megin við hneppurnar og dýfa henni hálfri ofan í kar með þessu "undraefni" og hún kemur skjanna hvít upp úr vatninu en hinn helmingurinn sem fór aldrei oní er ennþá grár og með klessurnar.. til hvers voru þær að klína þessu? Er það ekki gert til að sýna hvernig önnur þvottaefni myndu höndla svona bletti.. já ég segi ekki annað!

Pirr dagsins búið!

Sjá mynd!

Jæja liðið mitt vann fyrir bestu búningana á keilumótinu.. en hinsvegar vorum við ekki eins góð í keilunni sjálfri.. ég náði samt 2 fellum og er mjög stolt af því. Ekki samfellum þó ha ha ha!

Mér finnst mjög skrítið að það þurfi að vera sama heiti á barnasamfellum og blúndu samfellum eins og maður sá í Kays og Freemans hérna í den og fannst bara vera hóruföt.. sem og g-strengir!

Annars var ég bara þunn þegar ég vaknaði á laugardagsmorguninn, þvílík reykjarstybba þarna í Keiluhöllinni. Það var reykt meira að segja þar sem keilan var og auðvitað inná pöbbnum sem við fengum að borða á. Mér finnst ekkert skrítið að ég hafi bara verið veik í 2 daga eftir fyllerí hérna í den, já, 2 ár síðan ég hætti að drekka!

Í dag er ég svo bara rótkvefuð hérna í vinnunni og er lítið búin að sofa síðustu 2 nætur útaf stíbbluðum nebba.. rosalega er pirrandi að vera með svona mikið hor í hausnum á sér. Vona að þetta fari núna sem fyrst.