Fyndið hvað það má ekki heyrast píp í manni núna. Ég er td. frekar bregðin manneskja, semsagt þarf lítið til að mér bregði .. og oftast kemur ósjálfráður píkuskrækur í kjölfarið. Og núna þegar ég er ólétt, þá fær fólk sjokk ef það heyrist í mér. Eins og fyrrakvöld þá var ég að fara á klósettið, og sumir höfðu gleymt að setja niður klósettsetuna og ég settist beint á ískalt postulínið, sem var nú ekki tipptopp hreint og ég öskraði þvílíkt, því mér brá svo og fannst þetta svo ógeðslegt! Þá fékk Ási áfall inní herbergi og hélt liggur við að krakkinn væri kominn í heiminn! Líka hef ég verið eitthvað að öskra svona heima hjá mömmu og pabba og þá fá þau sjokk! Fyndið! En samt ekki fyndið ef ég er að öskra útaf því að krakkinn er á leiðinni og þau öll bara; æjj alltaf sömu lætin í henni Önnu!

Annars var ég að horfá fyndinn Fóstbræðraþátt um daginn, þar sem Gyða Sól var að eignast krakkann. Það gekk ekkert og þá bað hún alla á fæðingarstofunni að hvetja, og allir alveg; Gyða Sól, Gyða Sól, Gyða Sól og þá skaust barnið í hendurnar á lækninum! Geðveikt fyndið.. ég ætla að láta alla hvetja mig, Anna Anna Anna Anna!! Svo þegar þau voru að fara heim af fæðingarstofunni, flýtti hún sér í bílinn og settist auðvitað undir stýri og var geðveikt fúl og kallinn hennar spurði hvað væri að, þá sagði hún; "Þetta er bara svo lítið!" Hann; "hvað ertu að tala um?" Gyða Sól; "Nú barnið, þetta er svo lítið, ég get ekki látið sjá mig á landsmótinu í sumar!"

Snilld!

Hún Auður Aþena frænka mín er 4 ára í dag!

Ótrúlega er tíminn fljótur að líða, litla músin orðin stór stelpa og sjálfstæð! :) Óska henni og fjölskyldunni til hamingju með daginn!

Ég var að horfá Queer Eye for a Straight Guy í gærkvöldi og það er langt síðan ég hlegið svona miklum kjánahlátri. Maðurinn sem var verið að breyta var nefnilega svokallaður "nudist" og var í svoleiðis klúbb. Já bara klúbbur með fullt af eðlilegu fólki úr öllum starfstéttum sem hefur gaman að því að hittast og fækka fötum.

Svo í lokin var haldið partí og fólkið flykktist inní partíið, fáir undir 45 ára, og svo bara "nú er kominn tími til að fækka fötum" og allir rifu sig úr og fóru að spjalla og borða og svo að dansa.. ég hélt ég yrði ekki eldri! Er ég kannski svona barnaleg eða? Og skrítnasta við þetta er að þetta er ekkert kynferðislegt.. heldur bara líður þeim svona rosalega vel nakin og þá eru allir jafnir, hvort sem það eru götusóparar eða lögfræðingar. Svo var einn maður þarna eins og jólasveinn, og hann sofnaði á stól. Sat bara með sitt skegg á bibbanum og hraut! Geðveikt fyndið!´

Ég fór auðvitað á netið eftir þáttinn og googlaði upp Nudist Club og fann fullt af heimasíðum hjá svona klúbbum í Bandaríkjunum.. svo er fólk vaðandi með börnin í þessu svínaríi líka! Já þetta held ég að væri síðasti klúbburinn sem ég myndi vilja vera meðlimur í!

Mæli með að horfá endursýninguna, kl. 15.05 á sunnudaginn held ég!

Ég er orðin eitthvað ótrúlega viðkvæm fyrir að sjá svona sviðahausa.. fæ alveg hroll og ógeð við að sjá þetta svona. Ég gat nú alveg borðað þetta þegar ég var krakki, en einhvern tímann á unglingsaldrinum beit ég það í mig að þetta væri ógeð. En núna er ég orðin fullorðin (eða á að heita það, komin á fertugsaldur) og ég bara skil ekki hvernig er hægt að leggja sér þetta til munns! Kommon, þetta er andlit! Af saklausu lambi!

Og svo í Mýrinni er ógeðslegt atriði þar sem Erlendur er að slafra í sig svona kjamma, ég fékk alveg gubb í kokið.. Og það atriði var akkúrat sýnt á Eddunni í gærkvöldi.. sem er nú meiri samkoman. Væri ekki skemmtilegra að hafa þetta á 2-3 ára fresti og þá væru fleiri kvikmyndir að keppa um þetta. Þetta var allt bara Börn, Mýrin eða Little Trip to heaven, semsagt tvær eftir Balta vin minn Sar.. soldið svindl myndi ég nú segja!

Ég mæli með að allir fari að drífa sig á Borat sem eru ekki búnir að sjá þessa snilldarmynd! :)
Um að gera að drífa sig áður en hún fer í skókassasal; fyndið orð, gæti verið kasasktanst orð!)

Takk innilega fyrir allar afmæliskveðjurnar kæru vinir! :)

Afmælishátíðin er búin að vera með eindæmum skemmtileg. Við skötuhjúin byrjuðum á því að fara út að borða á Enricos á afmælisdaginn minn, í tilefni af afmælum okkar beggja, þar sem hann Ási átti afmæli 8. nóvember. Fengum rosalega góðan mat og fór ég heim alveg að springa úr seddu!

Svo á laugardaginn hélt ég uppá stórafmælið heima hjá mömmu og pabba og var það mjög vel heppnað og margir góðir gestir komu. Ég fékk alveg helling af fallegum gjöfum, alltaf gaman að opna pakka!

Þannig að ég er eigilega bara eftir mig á þessum mánudegi.. erfitt að vera orðin svona gömul kona! :)

Annars veit ég ekkert hvað ég á að skrifa um.. kannski um það að það á að leggja niður mannanafnanefnd.. þá eiga kannski eftir að koma einhver skrítin nöfn uppá yfirborðið.. td. ætlar ein á barnalandi að skíra dóttur sína Analía.. greyið barnið..

Myndablogg

Ég á afmæli í dag ég á afmæli í dag ég á afmæli,

hún ÉÉÉG, ég á afmæli í dag!

Já ég var að æfa mig fyrir komandi barnaafmæli! :)

Ég er búin að breytast í grenjuskjóðu!

Öll helgin fór í það að vatna músum, er það ekki annars orðatiltæki? Held ég hafi lesið það á mjólkurfernu. En eníveis.. fyrst byrjaði það með því að ég fór með hana Auði Aþenu frænku mína í Limalind á laugardaginn, til að leyfa henni að hlusta á sönghetjur sínar í Söngvaborg. Og ég náði að skella henni uppá svið þar sem krakkarnir stóðu við hliðina á hetjunum, Siggu og Maríu og Gogga.. og Auður Aþena kunni öll lögin og dansana og það var of mikið fyrir Önnu frænku, tárin byrjuðu að leka og ég var alveg að reyna að halda í mér svo fólk þarna í kring héldi ekki að ég væri eitthvað rugluð!

Svo þar sem ég er "grasekkja" þessa dagana, þar sem hann Ási er staddur í heimalandi sínu Vestmannaeyjum, þangað til á morgun, þá fékk ég Auði Aþenu til að gista hjá mér, sem henni fannst nú ekki leiðinlegt. Hún var sko að passa mig. Svo á sunnudagsmorguninn eftir að hún var búin að borða morgunmat, þá sníkti hún smá súkkulaði sem var til heima.. og hvað gerir maður ekki fyrir litlar uppáhaldsfrænkur? En ég sagði við hana: Þú mátt svo ekki segja prestinum í sunnudagaskólanum á eftir að þú hafir fengið nammi í morgunmat! Og hún varð voða alvarleg og sagði: neiiiii!

En allavega svo fór ég með hana í Sunnudagaskólann og presturinn heilsar börnunum og þá segir mín hátt og skýrt: ÉG FÉKK NAMMI Í MORGUNMAT! Ég náttúrulega eldroðnaði og allir fóru að hlæja.. algjör litla stelpan sko! Svo átti að fara að syngja Jesús er besti vinur barnanna og ég bara gat ekki sungið með, fékk bara kökk í hálsinn og tár í augun! Ég gat semsagt ekki fúnkerað í söngnum þann morguninn!

Svo um sunnudagskvöldið, þegar ég var búin að vera ein heima í nokkra klukkutíma, kom yfir mig svo mikill söknuður og einmanaleiki að ég fór að gráta og hringdi svo í Ása og grét meira. Svo hringdi ég í Önnu B og spurði hvort ég mætti kíkja í heimsókn og hún skynjaði eitthvað í röddinni á mér og spurði hvort allt væri í lagi? Og þá fór ég að væla aftur.. algjör sko!

En svona er það víst að vera ólétt kona!

Sjaldan hef ég verið eins hneyksluð á Innlit Útlit og í gærkvöldi. Málið var að Ásgeir Kolbeins var að kaupa sér íbúð og reif allt innan úr henni og setti allt nýtt inní hana. Og var hún mjög flott og allt það eftir breytingarnar. En það sem hneykslaði mig geðveikt var hvernig Ásgeir og þáttastjórnandinn Arnar Gauti þurftu að rakka niður íbúðina eins og hún var fyrir breytingar með þvílíkum lýsingarorðum. "Já og þú ætlar auðvitað að rífa niður þessa viðbjóðslegu eldhúsinnréttingu?" "já þokkalega, og taka þennan ógeðslega vegg í burtu, rífa þetta ógeðslega parket af öllu" "Og svo er þetta viðbjóðslega baðherbergi hérna, það fer allt út og þessir ógeðslegu viðbjóðslegu skápar inní herbergi"

Sko alveg rólegir með lýsingarnar, íbúðin var nú ekki svo slæm, bara fín eldhúsinnrétting, þótt hún hafi ekki verið í nýjustu tísku og ekki baðið heldur.. ég hugsaði nú bara aumingja fólkið sem átti íbúðina og bjó í henni. Mér finnst bara mikill óþarfi að tala svona í sjónvarpi... einhver sammála?